BAUCAU (DiliPost.Com)-Sekretáriu Estadu Igualdade (SEI) Hamutuk Autoridade Munisipal Baukau Selebra Loron International Feto Rural iha Aldeia Waikana Suku Baduho’o Postu Administrativu venilale ho tema “Feto Prontu Lidera,Sai Husi Hamlaha no Mukit”.
Sekretáriu Estadu Igualdade (SEI) Elvina Sousa Carvalho hateten,loron mundial feto Rural Importante tanba bele Dignifika no valoriza feto rural nia Komtribuisaun pillar Importante iha Sosiedade no Dezenvolvimentu Nasional Tanba iha area rural feto maiória mak hala’o servisu Hanesan Vida Agrikultor.
Tuir Sekretáriu Estadu SEI Katak Razaun Prinsipal identifika aldeia Waikana suku Baduho’o hodi Selebra loron Importante ne’e Tanba Kontente Feto Rural hotu husi Suku walu iha Venilale no Komunidade iha area refere mos iha kolaborasaun no Koperasaun diak ho Autoridade Lokal.
Elvina Sousa Carvalho mos kontinua motiva Feto Rural sira katak,agora tempu to’o ona Atu Feto Lidera iha Suku no Aldeia Tanba Feto Piotensiál barak iha abilidade atu sai Lideransa,aleinde ne’e liga ba Igualdade Jeneru garante ema hotu nia Direitu atu Lidera tantu Feto no Mane.
“Loron Feto Importante atu selebra para hodi Selebra Feto sira nia brani feto rural nia Ejistensia feto Rural nia kontribuisaun ba iha Dezenvolvimentu,tanba iha rural mak maiória feto barak iha areas rurais servisu agrikultor entaun ita mos selebra sira nia servisu no kontribuisaun ba iha seguransa ai han sira nia kontribuisaun pillar importante ba sosiedade liu-liu ba Komunidade areas rurais ne’e feto nia papel importante tebes” Dehan SEI Elvina Sousa Carvalho segunda Feira(16/10)
Presidente Autoridade Munisipiu Baucau Olivio Freitas,louva Feto rural tanba ho feto sira nia esforsu mak bele fó susesu nune’e kontinua enkoraja no depozita feto rural sira atu lidera no implementa abilidade hodi involve iha grupu liu husi multi aktividades.
Tanba feto rural sira nia partisipasaun no apoiu másimu durante luta resistensia to’o hetan libertasaun Independensia.
“Autoridade munisípiu ne’ebé responsabilidade hanesan fokus traballu jeneru hakarak hato’o parabens ba inan feton sira hotu tanba loron ida ohin ita komemora loron Mundiál feto rural tanba husi feto mak ohin loron ita hotu hare’e mundu nia furak,orguillu ba feto no kontinua susesu ba imi hotu no espesiál ba feto ne’ebé hela iha area rural kontinua envolve iha aktividade oi-oin no lidera iha grupu” Dehan PAM Baucau Olivio Freitas.
Representante Feto Rural Postu Administrativu Venilale Joana Casilda de Sousa Ribeiro katak,agradese ba nonu governu ne’ebé implementa loron mundial feto rural iha waikana tanba fó korajem no inspira hodi atinje sira nia planu no mehi.
Joana Casilda de Sousa Ribeiro hateten,maske feto rural kuaze maiória menus enfrenta difikuldade kapasidade nivel eduakasaun ne’ebé minimu maibé la sai barreira ba sira no firme iha fatin hateten katak “100% Feto prontu hodi lidera”.
“Ami agradese ba nonu governu ne’ebé mak halo selebrasaun loron mundial feto rural ne’ebé mak selebra iha suku baduho’o aldeia waikana,tanba foin primeira vez selebra iha fatin ne’e tanba iha selebrasun ne’e marka historia foun ba ami feto rural hodi atinje ami nia mehi ba futuru” Dehan Joana Casilda.
Ho difikuldade hirak ne’e,feto rural rekomenda ba governu ne’ebé hanesan sira nia mahon no sadere fatin atu kontinua tau prioridade ba feto rural hotu atu atinje sira metas ba futuru dezenvolvidu tanba iha mundu global sita katak feto rural mak sai xsve halakon hamalaha no mukit.
Entertantu iha komemorassun loron Mundiál Feto Rural ne’e mos Sekretáriu Estadu Igualdade hamutuk ho representante membru governu nain sanolu resin sia no parseiru dezenvolvimentu BNCTL inklui autoridade sivil no military lansa deklarasaun maubisse faze datoluk no distribui livru deklarasaun maubisse faze III periodu tinan 2023-2028 (cl).
