DILI Post-Bankada Partidu Frente Revulusiunariu Timor-Leste Independensia (FRETILIN), iha uma fukun Parlamentu Nasionál (PN), konsidera Ministra Edukasaun (ME), sa’i provokadora ba problema Edukasaun iha ME. Kestaun ne’e, fó sa’i husi Deputadu Bankada FRETILIN, Antonino Bianco iha PN, Segunda-feira (08/04).
“Ha’u nia maluk ida Ministra Edukasaun ne’e, saida. Maibé, provokadora problema iha Edukasaun, nia provokadora dunik tanba problema la iha iha VIII Governu Konstituisaun, Profesór sira nunka la halo demonstrasaun buat hotu la’o di’ak.
Agora ita tama halo fali problema hanesan ne’e, tenke konsidera mós ita nia sentimentu pertenxe ba povu liu husi ninia oan hirak ne’ebé sofre, Profesór/a, sofre,”hateten Deputadu Antonino iha PN, Segunda-feira (08/04).
Deputadu ne’e akresenta,”ita boot sira hanoin katak, teste neebé la’o daudaun ne’e, la’os sala ho Profesór sira, ema 6.000, tu’ir teste, ema iha foho ne’ebá nunka ka’er Komputadór, halo nusa obriga nia halo tu’ir, nia ba tu’ur iha fatin hateke de’it.
Ida ne’e, bele hateten sa’e ba ukun hodi rezolve, maibe aumenta problema. Ema barak fu’an kanek no halerik ba saida mak Governu hala’o daudaun ne’e. Mais ou menus solusaun seluk atu rezolve problema Profesor sira ou la’e.
Sistema
“Ha’u akompaña ema 6000, tu’ir teste, mais ema iha foho ne’ebá nunka ka’er Komputadór, sistema ne’e, halo nusa, obriga nia halo tu’ir, nia ba tu’ur iha fatin hateke de’it.
Siénsia hanorin uza lapizeira ho jis iha Eskola, haruka nia ba tu’ir teste mezmu nia halo servisu tinan 20 halo iha Aldeia ho Suku nia la bele. Tanba, ne’e la’ós sira mak la iha kapasidade ida halo sistema intruduz ne’e, kuitadu, la iha sentidu pertenxe ba ema Edukadór sira, ne’e mak ha’u hato’o sira ne’ebé la iha lian ha’u reprezenta sira hato’o sira nia aspirasaun,”haktu’ir Antonino.
Intervensaun
Enkuantu, Vise-Ministru Assuntu Parlamentár (V-MAP), Adérito da Costa Hugo hateten, nia parte halo intervensaun reprezenta IX Governu Konstitusional, Ministra Edukasaun sempre ma’i halo aúdensia medida sira ne’ebé reforma Edukasaun halo, Profesór Kontratadu (PK).
Vaga foun,”ha’u reprezenta ba IX Governu la taka buat, Politika ida ne’e, atu intruduz atinji kualidade Edukasaun. Kuandu intruduz medida ida ne’e, konsikuensia balun husi implementasaun Politika ida ne’e.
Maibé, la kontinua iha tempu badak, mais prazu ne’ebé Governu liu-liu ME hala’o hela servisu namas ba konsikuensia ne’ebé atu resolve. Tanba, envolve ho Komisaun Funsaun Públika (KFP), ho Elektronika atu garante boa Governasaun,”dehan Aderito.(lx)
