DiliPost.com-Kondisaun no Sala Eskola Ensiñu Báziku Filiál (EEBF) 300, Villa-Nova Munisípiu Baucau grave tebes hodi defikukta Ensiñu aprendisajen. Koordenador EEBF Vila-Nova Baucau Dulce Doutel Ximenes informa, kondisaun Eskola ne’ebé grave ho totál Estudante 1089, obrigatoriu Manorin sira kanorin fahe ba tornu tolu (3), dader, meudia no lorokraik. Tanba, Sala Aula ba Estudante hirak ne’e, la sufisiente.
Informa Koordenadora EEBF 300 Villa-Nova Dulce ba Jornalista, iha kna’ar fatin, Tersa-feira ne’e.
Dulce haktu’ir, maski Manorin sira akumula ona Estudante hirak ne’e, hodi tu’ir prosesu aprendisajen, maibé tempu udan Esstudante defisil partisipa ativu iha Sala Aula, tanba kondisaun la favoravel ba Manorin sira atu aprende Siensia nune’e, Profissores sira haruka Estudante ba uma.
Grave
Oras ne’e, daudaun,”ami nia kondisaun Eskola grave tebes, tanba ho totál alunus kuaze 1089, feto 5.45 no mane 5.44 pessoas ne’ebé ami nia alunus ho totál barak hanesan ne’e, ami fahe kedas ba tornu 3.
Tornu dader iha 12 Salas ba terseiru ano, turma 1 kuartu ano, turma 2 sestu ano turma 4 no kinto ano turma 5. Tornu dader komesa husi 08:00-12:30, depois iha fali 12:40, tama fali iha primeiru ano sala 5.
Terseiru ano sala 4, kuartu ano sala 3, sira tama 12:40, to’o primeiru ano sa’i iha 02:20, segundu ano sala 5 troka fali de’it. Depois iha terseiru ano ho kuartu ano sira seluk tama 12:40.
Sai iha tuku 05:00 lorokraik OTL. Fahe ba tornu, maibé ami nia Sala Aulas la to’o, depois sala hirak ne’e, grave hotu kedas. Iha de’it sala 3 mak di’ak. Maibé, Sala seluk a’at hotu, ami la uza ida, iha sala 9 ne’ebé ami uza mos kalen ku’ak hotu kuandu udan Estudante sira tu’ur iha Sala laran la di’ak bokon hotu,”relata Dulce.
Husu
Dulce hatutan, ho kondisaun real ne’ebé EEBF 300 Villa-Nova Baucau enfrenta, parte Eskola husu ba IX Governu Konstitusionál, liu-liu Ministeriu Edukasaun (ME), tau atensaun imediata. Tanba, ho kondisaun ne’e, kada Sala Manorin sira akumula Estudante 45 tu’un ba 39.
Ho kondisaun Eskola Sala Aula grave tebes hanesan ne’e,”ami husu ba ME, se bele karik ho tempu badak mai hadi’a lalais atu ami uza, tanba ho totál alunus barak tebes ho de’it Sala limite hanesan ne’e, ami halo prosesu aprendisajen la du’un la’o di’ak, tanba sira I-II ano Eskola oras rua de’it,”reforsa nia.
Hadi’a
Enkuantu, Estudante VI ano Jose Luis Osvaldo Pereira da Silva esklarese, sente triste ho sira ninia kondisaun Eskola. Tan ne’e, husu ME atu hadi’a Eskola ne’ebe refere, atu nune’e Estudante sira bele asesu Ensiñu aprendisajen ho di’ak.
“Ami sente triste, tanba ami nia Eskola ho kondisaun la du’un di’ak, tanba dala ruma bainhira udan ami la halo ami ninia aprendisajen ho di’ak. Ha’u husu ba ME atu bele hadi’a lalais ami nia Eskola, hodi bele hahu ami nia aprendisajen ho di’ak,”hatutan Jose Luis.
Tenta
Ho kondisaun EEBF 300 Villa-Nova Baucau, Jornalista sira tenta komfirma Diretur foun Servisu Munisipál Edukasaun (SME), Baucau Afonso dos Santos da Costa, maibé rezeita komentariu. Tanba, ho razaun Diretur Sesante seidauk entrega termu servisu ba Diretur foun.
Enkuantu, EEBF 300 Villa-Nova Baucau, totál Sala Aula 15, maibé daudaun ne’e, utiliza de’it sala 12 ba prosesu Ensiñu aprendisajen ho Sala 3 la bele uza, tanba kondisaun grave no Profissores total 31, entre Manorin hirak ne’e, nain ida se’i kontinua voluntariu no seluk permanente hotu.(cl)
