JAKARTA (DiliPost.com)- Primeiru Ministru Kay Rala Xanana Gusmao ho Delegasaun to’o Jakarta Indonezia hasoru malu ho Prezidente Republika Indonezia Joko Widodo, atu asina akordu fronteira treste entre Fronteira Timor Leste ho Indonezia.
Xefe Governu,Kay Rala Xanana Gusmão ho delegasaun Sai husi Dili iha loron 25 janeiru 2023-iha Aeroportu Prezidente Nikolau Lobato,ho Aviao Aero Dili,iha oras tuku 9:00 dader no to’o iha Aeroportu Dempasar Bali ho oras tuku 10:45 no kontinua sae Aviaun Garuda Indonezia,ho oras tuku 1:30 no xefe Governu kay rala Xanana Gusmao ho delegasaun too ona Jakarta Indonézia iha oras 14:55.
Xefe Governu too salaun VIP Aeroportu Internasionál Soekarno Hatta simu direita hosi, Vise Ministru Saúde Indonézia, Dante Saksono Harbuwono akompaña hosi Embaixador Indonézia ba Timor-Leste, Okto Dorinus Malik, Adido Seguransa Timor-Leste ba Indonézia, Superintendente Xefe, Armando Monteiro, Adido Defeza, Kolonel Maubuti tama salaun simu kedas ho formatura parade militár.
Delegasaun kontinua ba kedas Otel Kempinski, Jakarta hodi hala’o enkontru ho ekipa Gabinete Fronteira Maritima no Terrestre no ekipa MNRK nian hodi atualiza agenda ekontru Xefi Governu no Prezidente Repúblika Indonézia, Joko Widodo.
Tuir agenda, molok hala’o enkonru bilaterál, iha oras 09:00 dadeer, sei hala’o vizita ba simiteriu erois Kalibata hodi presta omenajen.
Husi Kalibata, PM Xanana ho delegasaun kontinua ba Palasiu Prezidente Repúblika Bogor-Jakarta sei simu ho parede militár ne’ebé akompaña hananu inu nasionál rai ru nian toka remata, PM Xanana akompaña husi PR Jokowi sei hala’o pasarevista ba formatura parade militár nu’udar onra hosi Estadu Indonézia.
Hafoin formatura, Prezidente Joko Widodo sei fó koñese membru govenru Indonézia nia tomak hodi kaer liman ho PM Xanana no delegasaun membru governu Timor-Leste nian, remata kontinua ba palku palasiu preziente hodi asina livru.
Iha oras 10:30, Xefi Governu Xanana ho membru governu sei hala’o enkontru bilaterál ho Prezidente Joko Widodo ho membru governu sira iha menutu 30 nia laran hodi deskute kooperasaun bilterál rai rua nian ne’ebé estabelese durante ne’e.
Hafoin ida ne’e, ekipa nasaun rua ni’an hamutuk ho Xefi Governu Xanana no Xefe Estadu Indonézia kontinua kedas asina akordu formal entre rai rua hodi finaliza Fronteira Terrestre Timor-Leste no Indonézia iha Noel Besi-Citrana Oe-Cusse no Indonézia nian no kontinua kedas ho konfrensia imprensa hosi lider rai rua hodi anunsia rezultadu akordu no kooperasaun.
Vizita ne’e, Xefe Governu akompana, hosi Ministru Planeamentu Investimentu Estrateziku (MPIE), Gastão de Sousa, Ministru Transporte no Telekomunikasaun, Miguel Marques Manetelo, Sekretariu Estadu Komunikasaun Sosiál (SEKOMS), Expedito Dias Ximenes no ekipa Gabinete Fronteira Maritima no Terrestre. (AL)
