DILI Post News, 03 Dezembro 2025 – Ekipa Uma-na’in Thailand U-22 hatudu jogu dominasaun iha partida abertura SEA Games 2025, domingo (03/12/2025), no konsege halo viktória bo’ot kontra Timor-Leste U-22 ho rezultadu 6–1.
Ekipasaun Nasionál Timor-Leste U-22 iha jogu ne’e esforsu maibe la konsege iha jogu abertura fútbol SEA Games 2025, depois de lakon ho rezultadu 1–6 kontra Tailândia U-22. Partida iha jogu ne’e hala’o ho intensidade a’as, maibé Tailândia hatudu iha nivel duminasaun jogu durante segundu parte.
Tailândia loke markador iha minutu 44 liu husi Yotsakon, antes de aumenta diferensa no segunda parte ho gol sira husi Siraphop (49’), Iklas (60’), nafatin Yotsakon ho gol rua tan (70’ no 72’), no Kakana iha minutu 83.
Timor-Leste, maski enfrenta presaun bo’ot, konsege hetan gol honra iha tempu extra, liu husi Palamito Caffin iha minutu 90+3.
Iha jogu segundu parte hatudu diferensa bo’ot iha esperiénsia no taktika entre ekipas rua. Thailand U-22 controla jogu husi hahú to’o remata, ho pasa no movimentu ofensivu ne’ebé kontinua halo presizaun ba Timor-Leste U-22.
Timor-Leste U-22, maski lakon, Gol úniku husi Timor-Leste mosu esforsu ekipa atu hatudu kapasidade no determinasaun ba jogu sira oin mai.
Rezultadu ne’e tau Thailand iha posisaun lideransa grupo, enquanto Timor-Leste presiza prepara mais forte ba partida tuir mai atu buka oportunidadi sai husi fase grupu.
SEA Games 2025 sei kontinua ho jogu seluk iha loron sira tuir mai, no Timor-Leste U-22 sei loke dalan atu simu jogu seluk ho esperansa fó rezultadu di’ak.
Jornalista : Azacsi Quintão
