DILI Post-Labarik feto ida husi, Postu Administrativu Maubisse, Munisípiu Ainaro, assume knaar nudar Vice-Primeira Ministra, Ministra Coodernadora dos Assuntos Sociais, Ministra do Desenvolvimento Rural e Habitação Comunitária, durante oras rua nia laran, iha Palasiu governu.
Zebilia Espresa, senti kontenti tanba bele Hetan Oportunidade hodi sai nu’udar labarik feto ne’ebe hodi Reprezentante Labarik feto Timor-Leste Asume Kargo Nudar Vice Primeiro Ministro.
Aktividade ne’ebe Organiza husi Plan internasional ne’e ho Objektivu Atu Komemora Loron Mundial ba Labarik Feto,nune’e Iha Timor-Leste Plan internasional Inisia Aktividade ne’e, hodi bele Lori Labarik sira iha area rural hodi hatene no hasae Sira konesimento oinsa ba futuru bele sai Lideransa ne’ebe diak iha Futuru Timor-Leste nian.
Ho Oportunidade ne’ebe Zebilia hetan,hanesan Feto nia Husu Ba Feto maluk sira iha Timor-Leste atu kontinua Esforsu a’an Estudu tanba Futuru nasaun nian iha Joven sira nia Liman.
“Objektivu ohin lorin nia mak halo selebrasaun loron internasional ba labarik feto sira nia, husu ba belun feto sira atu aproveita didiak oportunidade ne’ebe mak sira iha, no la bele lakon vontade atu partisipa iha formasaun no evento balu iha suku sira, atu nune’e bele aumenta sira nia kapasidade, no oportunidade ida ne’e bele asume kargu hanesan dadaun ne’e”, hatete zebilia hafoin Asume Kargo Nudar Vice Primeiro Ministro iha Palasio Governo Sexta semana kotuk (11/10).
Zebilia mos Husu ba Ema Hotu-hotu atu Promove Paz no Estabilidade tuir Tema Selebrasaun ba Loron Mundia Feto iha Tinan ne’e mak ” UNITE FOR PEACE”, Tuir nia Katak nu’udar labarik feto no joven presija kria unidade no hametin unidade paz no dame iha iha ita nia nasaun.
“Hau senti orgullu tanba foin pela Primeira vez asume kargo Vise primeiro Ministro, tanba labarik feto barak maibe labele hetan oportunidade hanesan hau, tanba ne’e husu atu nafatin esforsu a’an.”Nia Hatete.
Hafoin Hetan Oportunidade hodi tur Iha Kadeira Vice Primeiro Ministro nian, nia Enkoraja atu ema hotu , presija envolve an mos iha grupo sira hodi buka esperensia makas, presija mos mentalidade ne’ebe mak diak, atu nune bele hetan konfiansa ruma.
Iha fatin hanesan PM interinu Mariano Assanami sabino,hatete ho selebrasaun Loron mundial ba labarik Feto, Ezekutivo ne’e Hatete momentu ne’e nudar esperensia ida ne’ebe hodi husik hela kargu iha oras rua nia laran ba Jerasaun foun sira Katak, hodi hatudu fatin ne’e labarik sira nia futuru Timor-Leste nian.
“ Ba ha’u nia feton no inan sira apresia tebes-tebes ba imi hotu, Tanba ne’e hakruk ba inan sira hotu imi mak eroi no luta dor no edukador ba oan sira, para atu lori nasaun ne’e ba oin.”Dehan PM interinu Mariano Assanami sabino.
Vice Primeiro Ministro Interino Ne’e Deklara, Ohin ita hotu selebra loron ba labarik sira fo oportunidade ba ita nia oan ida ne’ebe mak Mai asume nudar vise primeiro ministro iha oras rua nia laran, nudar PM interinu nafatin iha responsabilidade iha nia sorin, nafatin akompana fo oportunidade atu promove no motiva ba kiik oan sira hotu katak imi tenki estuda makas no aprende makas tanba nasaun ne’e iha imi nia kabas.
” parabens ba oan sira parabens mos ba kiik oan sira iha Timor-Leste no rai liur nomos ba mundo tomak katak mundo ida ne’e nia progesu depende ba imi nia matenek imi nia responsabilidade, imi nia sensilibilidade ba ambiente no imi nia kuidado ba ambiente mak imi sei lori futuru nasaun ne’e ba oin ”.Imforma PM interinu.
Alende ne’e Primeiro Ministro Interino, Apresia agradese ba plan internasional ne’ebe sempre iha programa ida ne’e, hodi Promove Labarik feto sira oinsa atu hasae sira nia Konesimento no mentalidade, atu sai ema ne’ebe diak hodi Lori Timor-Leste ba oin iha futuru mai.
Jornalista:Azaksi Guterres
