DÍLI Post.Com-Relasiona ho Konfrontus ne’ebe Akontese Entre Joven sira iha Suku Lourba no Suku Karabau Postu Administrativu Bobonaru Munisípiu Bobonaru iha Loron 3 Fulan Novembru ne’e.
Primeiro Ministro (PM),Kayrala Xanana Gusmão Promote sei bolu mos membru PNTL no F-FDTL sira ne’ebé envolve iha grupu Artemarsiais no Arte Ritual( GAM no GAR ),sei halo juramentu jerál hodi sai husi Artemarsiais no Rituais iha 28 Novembru ne’e ,Nune’e sira bele halo servisu ho independente.
“Ba membru PNTL no F-FDTL para indentifika la’òs kartigu, indentifika polisia no F-FDTL hotu- hotu ne’ebé partense ba GAM no GAR iha loron 28 Novembru 2023 halo juramentu hodi sai hosi grupu para defende povu,” PM Xanana Gusmão Hasai alerta ne’e hafoin Hasoru malu ho Konjer PNTL iha Kaikoli Sabadu ne’e (4/11).
Primeiro Ministru Xanana Gusmão Hatete Polisia Nasional Timor Leste nia Servisu mak atu Defende Povu hodi Moris hakmatek no Falintil Forsa Defeza Timor Leste (F-FDTL ) ,nia servisu atu Defende Nasaun no Soberania RDTL, tanba ne’e la autoriza PNTL no F-FDTL atu Pertense tan Ba GAM -GAR.
PM Xanana Gusmão Subliña Sei Orienta PNTL atu kaputra hotu oknum juventude hirak ne’ebé envolve hodi responsabiliza ba krime ne’ebé sira komete.
“Ha’u halo apelu ba povu tomak, hosi aman, inan, to’o oan sira liu-liu joven sira. joven sira uluk, imi nia aman, inan mate ba rai ida ne’e, agora imi oho malu tanba buat ida ke la folin buat ida”, PM Xanana Afirma.
Lider Rezistensia Ne’e alerta mós ba responsabel GAM no GAR kuandu la kontrola sira nia membru halo nafatin krime, governu sei hatun orden hodi kaer maka lider sira ne’e.
“Hau apelu atu xefi ga Prezidente no se diet husi Artemarsiais hotu hotu atu hasoru hau,Nune’e bainhira halo Problema ba kaer imi ba hatama kadeia.” Imforma PM.
Ho Problema ne’ebé Akontese iha Suku Karabau no Lourba ne’e, Xefe Governu mós husu ba PNTL liu hosi Ofisiál Polisia Suku (OPS) atu koopera ho autoridae suku, Igreja no Lia Nain no Juventude sira hodi hala’o kedas dialogu ba dame entre parte hirak ne’ebé komete problema.
PM Xanana Sei Bolu Lider GAM-GAR
Xefi Governu ne’e Apelu mos Katak sei Bolu Urjente Lider Artemarsiais no Arte Ritual sira ne’ebé Ejiste iha Timor Leste, atu Bele Esplika Doutrina Artemarsiais Lolos ba Membru sira mak Saida?, Tanba Tuir PM Xanana Gusmão katak Artemarsiais ka Arte ne’e laos Hanorin atu Estraga Malu.
“Hau avizu kedas ba Xefi do Grupu Artemarsiais hotu hotu ,prepara hau sei Bolu sira hotu ,atu husu los ba sira ,Hanorin Arte saida mak ,Estraga fali Labarik sira sa Arte Saida mak hanesan ne’e??.” Afirma PM Xanana Gusmão.
Xefi Governu ne’e Dehan, Aktividade Grupu Artemarsiais No Arte Ritual sira, Uluk Taka ona ,maibe iha Governasaun Anterior Deside Loke fali, no halo Lei Apoiu Tan Orsamentu ba Grupu Artemarsiais No Arte Ritual sira maibe ,Joven sira kontinua Estraga Malu.
“Uluk taka Tiha Governu Foin dadaun ne’e mak Loke fali,Hau ba deskute iha Orsamentu ne’eba hare ba Hare mai ,osan bo’ot ba Sira, mais la halo Buat ida ,ba fali estraga ema no Ema nia uma sira.”Xanana Kompara.
Reportajém:Javelino
