DiliPost.com-Primeiru Ministru (PM), Kay Rala Xanana Gusmao Vizita ba Jardim Herois kalibata (Taman Makam Pahlawan Nasional) Jakarta Indonezia hodi Presta Homenagen ba Heroi sira.
Xefe Governu Kay Rala Xanana Gusmao ho delegasaun to’o iha Jardim Herois Kalibata iha oras tuku 8:00 Oras Jakarta akompana ho parada militar.
Iha vizita nee PM tau aifunan iha monumentu herois de patria,hafoin remata tau aifunan Xefe governu Xanana Gusmao ho Delegasaun kontinua kedas ba Palasiu Preziente (istana Preziden) iha Bogor Jawa Barat ,hodi hasoru malu ho Prezidente Republika Indonezia, Joko Widodo, hanesan vizita ofisial.
PM akompana husi Ministru Negosiu Estranjeiru no Kooperasaun, Bendito Freitas, Ministru Planeamentu no Investimentu Estratejiku, Gastao Sousa, Ministru Transporte no Telekomunikasaun, Miguel Manetelo no Sekretariu Estadu Komunikasaun Sosial, Expedito Loro Dias Ximenes.
Xefe Governu Xanana Gusmao ho delegasaun to’o iha Palasiu Prezidente Republik Indonezia, PM hasoru malu ho Prezidente, Jokowidodo simu ho parada militar.
Nune’e, PM Xanana Gusmao ho Prezidente Jokowidodo, kontinua kedas ho kuda Ai oan iha jardim palasiu no asina momeradum entre Ministru Planiamentu Investimentu Estrategiku (MPIE) Gastao de Sousa ho Mentri pekerjaan Umum dan perumahan rakyat.(PUPR) Basuki Hadimuljono.
No mos Ministru Transporte no Telekomumikasaun (MTK) Ministru Miguel Marques Manetelu ho Mentri Komunikasi Dan Informatika (MKI) Budi Arie Setiadi.
Remata akompana asina momerandum entre Ministru nain 4 .Xefe Governu Primeiru Ministru Kay Rala Xanana Gusmao ho delegasaun aranka fila- fali ba iha Jakarta pusat hodi deskansa.(AL)
