BAUCAU(DiliPost.Com)-Sekretáriu Tékniku Administrasaun Eleitorál (STAE) Munisípiu Baucau hahú fó fórmasaun ba Pesoál Sekretáriu Tékniku Administrasaun Eleitorál husi suku lima nolu resin sia(59),molok tun ba báze hodi kontinua fo fórmasaun ba Pesoál STAE 281 iha Munisípiu Baucau hodi realiza eleisaun suku ne’ebé tuir kalendáriu iha loron 28 fulan Outubro tinan ne’e.
Diretór STAE Munisípiu Baucau Natividade Freitas Guterres hateten,fórmasaun Pesoál Apoiu STAE Suku faselita hosi treinador STAE Munisípiu tanba antes ne’e tuir ona’Treining Of Treinamntu(TOT) iha Nasionál nune’e kontinua fo fórmasaun.
Matéria importante durante formasaun loron tolu (3) hahú kuarta-feira too Sesta-feira (04-06/10) oinsá pesoál STAE apoiu Suku sira bele simu dokumentus kandidatu hodi halo verifikasaun no oinsá deside 1% apoiantes kada suku nian,no oinsá atu prozide meza asembleia suku nian,no sei hetan koiñesementu kona ba prosesu lideransa komunitáriu nian.
Diretór STAE Munisípiu Baucau esplika,kandidatu Xefi Suku submete dokumentus iha loron (13/10/23) hafoin STAE Munisípiu halo verifikasaun tuir naran alfabetizasaun durante loron rua komesa (13-14/10) hodi kontinua submete ba STAE Nasionál iha loron(15/10)no kontinuasaun ba prosesu imprime boletin votu.
Boletin votu ba xefi suku nian iha loron 13/10 wainhira kandidatu sira hatama ona dokumentus ho foto no iha momentu ne’ebá mak ita sei forma sekuensia naran ne’ebé mosu tuir alfabetizasaun hahú ho A,depois loron 15/10 ita lori ba Nasional halo imprime boletin votu.
“Sira kandidatu ba xefi suku hatama dokumentu iha loron 13/10 dader tuku 10 too tuku 01 meudia,”dehan Natividade iha nia kna’ar fatin STAE Baucau Tersa-feira (03/10).
Ba Xefi Aldeia no delgadu delgada la iha boletin votu maibé iha loron 28/10 dader hatama ona kandidatura ho nia foto mak sei taka iha kabina devotu,bainhira eleitór sira ba halo votasaun foin hare naran kandidatu Xefi Aldeia delegadu,delegada hodi hili.
Responsavél STAE Baucau garante katak eleisaun lideransa komunitáriu tinan ne’e sei la’o ho susesu tanba lei númeru 9/2016 kona ba eleisaun suku la’ós foin implementa iha tinan ne’e maibé iha eleisaun suku tinan 2016 implementa ona no iha momentu ne’ebá preparasaun minímu maibé susesu.
“Ita garante eleisaun suku la hetan failansu tanba lei númeru 9/2016 ita uza dala rua ona, momentu eleisaun 2016 ita uza lei númeru 9/2016 sosializasaun la dun la’o maibé ita implementa susesu,agora dadaun lei 9/2016 semana ida ba kotuk ekipa boot ida mak halo ona sosializa ona,
Depois agora ita forma tan ekipa boot, uluk pesoál apoiu STAE suku no aldeia la iha maibé agora iha no pesoál apoiu STAE Aldeia ne’ebé fó apoiu ba prosesu tomak eleisaun suku nian ne’ebé ita garante la’o ho di’ak,”informa Natividade.
Entertantu tuir planu hosi STAE Munisípiu Baucau Pesoál Apoiu STAE aldeia hamutuk 281 rekruta ona sei tuir tan fórmasaun iha loron(16-20/10).(NT)
