DILI Post-Prezidente Autoridade Rejiaun Administrativa Oecusse Ambeno (RAEOA), Rogerio Tiago Lobato, informa ba Primeiru Ministru (PM), Kay Rala Xanana Gusmao katak, investor nain rua (2), husi Nasaun Indonesia no Singapura se’i loke investimentu fabrika hena iha Oecusse, se’i fo servisu ba juven 5000.
“Ha’u mo’s ko’alia konaba investimentu ne’ebe hakarak hala’o ona iha Oecusse konaba fabrika hena, presiza ema 5000. Investimentu ho osan $ 20 Millioins no buat hirak ne’e, ha’u entrega hotu ba PM Xanana ba nia konsiderasaun.
Tanba, ita bo’ot sira hatene nia mak bele tutela Autoridade RAEOA nian, Kompañia ne’ebe atu investe husi Indonesia no Singapura,”dehan PA-RAEOA Rogerio Tiago Lobato hafoin hasoru malun ho PM iha Palasiu Governu, Segunda-feira (08/04).
Iha sorumutu ne’e, PAM-Oecusse Ambeno Rogerio entrega mos relatoriu konaba servisu ne’ebe hala’o hela iha RAEOA durante simu nia kna’ar nu’udár PAM-Oecusse ne’ebe hala’o nia servisu durante fulan 2 no objetivu espesifiku liu kona ba PAP hapara aviaun Zeems iha RAEOA.
Simples
Objetivu simples hanesan,”ha’u simu posse hanesan PA-RAEOA iha dia 31 Janeiru no iha fulan 2 mak ha’u mai Dili mai aprezenta relatoriu ba PM, ko’alia uitoan konaba RAEOA,”informa nia.
Tu’ir, nia buat barak ne’ebé halo iha fulan 2 nia laran, hala’o atividade barak tebes, ne’e dunik nia tenke hakerek ta’u hotu iha relatoriu ida, atu PM bele akompaña fali pasu buat hotu ne’ebe nia halo durante fulan 2 ne’e, iha RAEOA. PAM ne’e, afirma iha akompaña husi Nasaun Indonesia ho Singapura atu mai investe fabrika iha Oecusse Ambeno.
Nia rasik hetan kazu barak iha nia atividade servisu nu’udar PAM Oecusse no nia relata ba PM hodi bele solusiona problema hirak ne’e.
Atividade
Atu tama ba kazu idak-idak ne’e, kazu barak tebes iha,”ha’u nia atividade, ida ne’e, ha’u se’i la bele elabora detallu ida ne’e, bo’ot tebes. Ida ne’ebe importante liu horiseik akontese kazu aviaun nian ema hirak ne’ebe husik iha ne’eba Pilotu ho Enjeñeiru sira ba apaga tiha rejistu,”informa nia.
Iha aviaun nia lolon buat ida ne’ebe sira la bele halo tanba aviaun ne’e, Patrimóniu Estadu TL nian. Asaun ne’ebe sira halo illegal,”ita bele dehan Krimi tanba ne’e, sira halo buat ida ne’be laloos.
Ha’u esplika mo’s ba PM konaba despeza bo’ot ne’ebe ita fulan-fulan tenke selu, atu ema sira husi Kanadá atu ka’er aviaun ita nian. Maibe, problema bo’ot liu sosa aviaun ne’e, ita gasta $ 7 Milioins, to’o agora ita seidauk hetan ‘Kwitansi,’ aviaun ne’e, ita seidauk hetan.
Entaun, foin sente durante fulan 10 ne’e, aviaun ne’e, se nian loos. Ita hatene selu tiha ona aviaun ne’e, maibe ‘Kwitansi’ to’o agora seidauk hetan,”nia remata.(melky)
