DiliPost.com-Funsinariu husi Timor Gas no Petrolium, Empreza Públiku (Timor GAP, E.P), liu husi programa Corporate Social Responsibility (CSR), kuda ai-Kasi hamutuk hu’un 1.50 hodi komemora aniversariu Timor-GAP nian ba da-13, se’i monu iha loron (27/07/2024), mak Timor GAP hamosu inisiativa kuda ai-Kasi ho tema ‘Together We Grow, one employee, one tree,”dehan Prezidente Timor-GAP Rui Soares ba Jornalista hafoin hala’o atividade kuda ai iha Tasi-Tolu, foin lalais ne’e.
Tu’ir Prezidente no CEO Timor-GAP.E.P, Rui hateten, atividade ohin kuda ai-Kasi hola parte husi atividade ida ba komemorasaun Aniversáriu ba da-XIII ba Timor-GAP, no inisiativa ida ne’e, hanesan inisiativa ba hola parte responsabilidade Sosial ou Social Responsibility.
Kulit
“Ami koordena ho Munisípiu Dili no Floresta hodi halo desizaun katak, ita tenke hare’e ba atividade atu fo sustentabilidade ba iha dezenvolvimentu. Ne’e, mak hili ai-Kasi kuda iha Dili,”katak Rui.
Liu husi lansamentu ohin Prezidente Autoridade Munisipiu (PAM), hateten Munisípiu-Dili nian katak, ai-Kasi ou ‘Beleza’ Dili nian ne’ebe ami hamoris fila-fali projetu ai-Kasi iha Dili no prezensa ai-Kasi iha Dili hodi krese ba oin.
Mezmu ai hirak ne’e, kuda iha tempu bain-loron, parte ida atu halo arranzus ida limpeza ambiente, hodi kuidadu no atu asegura atividade kuda ai oan bele moris no bele buras.
Depoiz tinan rua,”ita halo monitorizasaun b ai-Kasi bele moris ona pelu-menus tinan-2 ita hare’e to’ok iha komprimisu husi Timor-GAP. Se’i ta’u matan nafatin durasaun tinan-2 liu husi arranzus no Defeza ambiente,”akresenta nia.
Desportu
Aléinde ne’e, iha atividade desportu ne’ebe organiza hela limpeza jeral no atividade seluk tan. Tanba, se’i iha durasaun fulan-1. Antes, halo selebrasaun ba Aniversáriu.
Entaun, se’i iha atividade lubuk ida,”ami kontempla hela intensaun husi atividade ida ne’e, atu ekipa sira bele kontinua mantein amizade servisu no servisu nafatin hanesan ekipa ida husi Timor-GAP ba Empreza Nasional,”konfesa Rui.
Total ai-oan hamutuk hu’un 1.50 apoiu husi Floresta, ai-oan hirak ne’e, apoiu gratuitamente hodi kontribui ba atividade ida ohin.
Pasadu
Programa ba tinan ida ne’e, iha okaziaun pasadu ba preukupasaun nasimentu,”ami hanoin tiha ona no hato’o ona ba Media ho programa prinsipal kontinuasaun atividade hirak ne’ebe la’o hela iha passadu nafatin ta’u matan ba Suas Supply base atu halo eskrisaun nesessáriu hahu konstrusaun no kolaborasaun ho Ministériu Petróleo,”nia tenik.
Depois agora,”ita nia Sunrise atividade ida ne’e, prinsipal nafatin partisipa estudu ho negosiasaun no ida seluk iha bloku explorasaun lubuk ida ne’ebe Timor-GAP hola parte hela nafatin kontinua atividade hirak ne’e.
Iha pasadu to’o agora ein-jeral de’it lansa fokus ida ohin mak atividade konaba kuda ai-Kasi hola parte husi responsabilidade Sosial Timor-GAP hodi kontribui ba ambiente no ba komunidade.
Fatin hanesan, PAM-Dili, Gregorio Saldanha hateten, ba Timor laran tomak ko’alia konaba Dili. Se hakarak Dili furak hanesan ema hotu hakarak hanesan ne’e, maibe la halo entaun Timor-GAP hahu ona. Atu nune’e, rekorda hanesan Muzika Maun Anito Matos nia kanta.
Tomada
“Ha’u rona Muzika ne’e, no iha ha’u nia tomada posse ha’u ko’alia hanesan ne’e, tanba ita hare’e ai-Kasi hanesan Beleza uluk ha’u hare’e iha dokumentus komprovativu foto dokumentasaun iha Palásiu nia oin nakonu ho ai-Kasi iha foho leten sira mos nakonu ho ai-Kasi.
Mais ohin lakon hotu ba Kupang ai-Kasi barak loos uluk Kupang la hanesan ne’e, tanba ema hare’e tu’ir ita nia ‘Beleza’ ema implementa ita halakon tiha fali,”dehan PAM Dili Gregorio.
Aplika
Inisiativa ne’e, tenke aplika no presiza multiplika, atu nune’e Dili rekupera fali ninia ambiente ida anterior nune’e, riku ho ninia ambiente sira. Maibe, kuandu lakohi rezerva didi’ak.
Dili tenke mos husi lixu sira,”ita tenke kombate lixu hodi transforma Dili sa’i moos. Se ita halo komparasaun Dili agora ho tempu Português. Dili moos tebes mezmu komparasaun la justa, tanba dala rum uluk ema uitoan no agora ema barak.
Kuda ai-oan hirak ne’e,”ita Timor ninia abitu mak ne’e, kuda ai-horis barak investe osan barak liga manutensaun la kle’ur ai-funan mate lampu sira tohar nakukun. Tan ne’e, tenke kurize no tenke ta’u atensaun ita hotu tenke ko’alia malun nafatin hodi halo manutensaun ba buat hirak ne’e,”haktu’ir nia.
Kontrola
“Ha’u husu ba Autoridade sira, Xefi Aldeia liu-liu juven sira atu kontrola no Regras nafatin ai oan ne’ebe kuda ona hodi nune’e, bele moris ho di’ak. Se karik ita iha intensaun gasta tempu, osan.
Ohin Timor-GAP lakon osan hira se’i saugate de’it, entaun ita presiza ta’u atensaun ba inisiativa hirak ne’e, no rona mensajen hotu tenke pro-ativu hodi hare’e no kontrola nafatin ai oan hirak ne’e, hodi buras nafatin hanesan ohin moto ne’ebe ha’u hato’o hodi hamurak ita nia Dili,”dehan Gregorio.
Enkuantu, Timor-GAP iha inisiativa ida liu husi CSR husi Corporate Social Responsibility (Responsabilidade Social Corporativa), hanesan Departamentu foun Timor-GAP nian iha Unidade Vise Presidente Governmnet Relations and Stakeholder Engagement (GRSE) nia okos.
Promove
CSR refere ba pratika Emprezariu nian ne’ebe hala’o atu promove bein star Sosial, ambiental no Ekononomika komunidade sira nian iha area Empreza hala’o operasaun/atividade.
CSR mos hanesan abordajen estratejika ne’ebe integra valor no misaun Empreza ida nian ho objetivu atu kria valor longo-prazo ba parte interesada hotu, inklui Funsionariu, Kliente, Fornesedores, Investidores no komunidade ein jeral.
Pilar
Timor-GAP no CSR foka ba pillar 3 hanesan Sustentabilidade Ambiental, Dezenvolvimentu Sosial no Kresimentu Ekonomiku. Nune’e, inisiativu kuda ai-Kasi kontribui ba pillar Sustentabilidade Ambiental.
CSR fo benefisiu barak tebes ba Timor-GAP, tanba liu husi CSR, Timor-GAP bele mellora reputasaun no imajen Timor-GAP liu husi demonstra komprimisu pratika Emprezaria ninia responsivel ba ambiente.
Komunidade no Ekonomika, engazamentu no dezenvolvimentu komunitariu atrai investidores étikus no longo-prazo liu husi programa CSR ne’ebe forte no kontribui ba SDGs (Sustainable Development Goals).
Timor-GAP, liu husi programa CSR ba iha pillar sustainabilidade ambiental se’i kuda ai-oan iha loron Sesta-feira, dia (28/06/2024), hodi komemora Aniversariu Timor-GAP ba da-13, se’i monu iha loron (27/07/2024). Tema ba inisiativa kuda ai nian mak ‘Together we grow one employee, one tree.’
Iha inisiativa ida nee, TIMOR GAP sei kuda Ai-kasi, hanesan ai ho espécie icônica Dili nian, nebe lori valor cultural no ambiental significante tebes ba ita nia comunidade. Ho inisitivo ida nee, TIMOR GAP ho intensaun atu kontribui ba embelezamento no restaurasaun ekolójika iha area Tasitolu, hodi melhora paisajem natural no promove sustentabilidade ambiental.
Suporta
Timor-GAP se’i kuda ai-Kasi hamutuk 1.50. Timor-GAP hetan suporta maximu husi parte Sekretariu Estadu Florestas (SEF), oferese gratuitamente viveirus ai-Kasi hamutuk 1.50.
Inisiativu kuda ai-oan se’i partisipa husi Funsionáriu tomak Timor-GAP hamutuk ho Autoridade Lokal (AL), hanesan PAM-Dili, Xefi Suku, Aldeia ‘Bank Tabungan Negara’ (BTN) 2, Xefi Bairru BTN 2, reprezentante Polisia Posto Dom Aleixo no grupu voluntariu ‘Defeza Ambiental.
Timor-GAP fi’ar katak, projetu ida ne’e, la’os fo benefísiu de’it ba ambiente, maibe hametin relasaun ho komunidade sira no promove sensu responsabilidade ba,”ita nia Rekursu Naturais (RN),”komunga nia.
Komitmentu
Timor-GAP iha kommitmentu atu garante manutensaun no monitoramentu ba ai-horis hirak ne’ebe,”ami kuda, liu husi kolaborasaun no parseria ho grupu Volutariu Ambiente Lokal hanesan grupu juventude ‘Defeza Ambiental’ nain 4 husi grupu ida ne’e, mai husi juventude Bairru BTN 2.
Grupu Defeza Ambiental se’i halo manutensaun ba ai-oan hanesan rega loron-loron, halo lutu hale’u ai-oan sira no kuida ai-oan sira ho durasaun tinan 2, bainhira ai-oan hirak ne’e, moris no buras ona.
Projeto ida ne’e, hanesan atividade pilotu Timor-GAP atu kontribui ba sustentabilidade Ambiental. Timor-GAP iha hanoin atu kontinua inisiativu kuda ai-oan hanesan programa annual CSR Timor-GAP nian.(lx)
