DILI Post-Relasiona Ho Publikasaun Iha Pajina Facebook Offisial EDTL E.p,iha Loron 30 Fulan juñu, ne’ebe Deklara Katak Sistema Token Energia (sistema fa’an Pulsa),hahu Normaliza hikas hanesan Babain,maibe Realidade ne’ebe Kliente Konsumidor sira hasoru iha Terenu Diferente ho Publikasaun husi Pajina Facebook EDTL e.p nian,tan Ne’e Konsidera hanesan Eletrisidade De Timor-Leste Empreza Publika (EDTL e.p), Bosok hela Publiku.
“Eletricidade de Timor-Leste, Empresa Pùblica(EDTL,E.P.) liu husi meiu ne’e hakarak informa ba kliente sira katak, (Sistema Faan Pulsa /Token Energia)normaliza hikas fali ona, nune’e itaboot sira bele hola iha postu de venda sira iha kapitàl Dili.”Imformasaun ne’ebe sita iha Pajina EDTL ne’ebe Dilipost.com Assesu Domingo ne’e.
Iha Domingo ne’e Kuaze Postu Venda Eletrisidade sira iha Kapital,avaria total ka Sistema error hodi Difikulta Kliente Konsumidor sira.
Realidade ne’ebe Kliente Konsumidor hasoru mak Sistema Token Energia Error,Kuaze hahu husi Domingo Dader mai to’o fali Kalan,Halo Konsumidor sira Tenki Forma iha Postu Venda Token energia hodi hein asesu ba sosa Pulsa.
Imformasaun ne’ebe Dilipost.com Komfirma ho Pesaol Balun ne’ebe Hala’o atendementu ba Konsumidor Eletrisidade iha Postu Venda Aimutin ,Hatete Sistema Sosa token Energia ne’e failha hahu husi Dader to’o fali kalan ona mos Seidauk normaliza Nafatin.
Problema kona ba Sistema sosa Pulsa Eletrisidade ne’e laos Foin akontese dala ida,maibe Bebeik ona akontese Fila fila maibe ,ulun bo’ot sira ne’ebe hala’o knar iha Instituisaun Publiku seidauk tau atensaun seriu ba Problema ne’e, hodi kontinua Difikulta Kliente Konsumidor sira.
Ho Problema Ne’ebe akontese mak Konsumidor sira husu ba Parte EDTL atu Rezolve lalais Difikuldade ne’ebe Konsumidor sira hasoru.
Observasaun Dilipost.com iha Postu Venda Token energia eletrisidade iha Kapital Dili hanesan ,Aimutin ,Elemloi ,Edifisiu EDTL Kaikoli rasik Komunidade barak ,tenki dudu malu no forma Narauk hodi bele asesu ba sosa Pulsa Eletrisidade.
