BAUCAU (DiliPost.Com)-Fundasaun-Centru Feto Haburas Dezenvolvimentu(F-CFHD) Estabelese Rede Advokasia iha Postu Administrativu Venilale Munisípiu Baucau,hodi Responde ba kazu violasaun sekusual, violénsia Domestika inklui violénsia Bazeia jeneru,tanba kazu hirak ne’e Akontese barak iha Postu Administrativu Venilale.
Tuir Diretora Ejekutivu F-CFHD Munisípiu Baucau Teresa Pereira hateten, Objectivo Fundasaun -CFHD realiza enkontru advokasia nivél Postu Administrativu atu Estabelese Rede Advokasia hodi suporta Vitima sira liu husi Apoiu Fundus kiik ba eis kliente sira.
Nia informa,enkotru entre Rede hodi fó Koinesimento ba Autóridade Lokál sira oinsá Responde kazu violénsia Domestika no violasaun seksuál inklui kazu violénsia bajeia ba jéneru hodi ajuda vitima sira asesu ba rede referál sira iha Munisípiu Baucau.
“Grupu tárjetu mak suku Baduho’o no Umana-iku tanba identifikasaun inan feton sira hetan torturasaun ka violénsia domestika tanba ne’e mak eis kliente sira refere membru rede sira postu no mós membru rede advokasia ami CFHD apoiu fundus rotativu atu nune’e sira bele halo negósiu rasik sira labele kredit ema nia osan maibe sira iha ona kbi’it rasik oinsá maneza rotativu ne’e halo negosiu rasik,”dehan Tereza Pereira iha Salaun Postu Administrativu Venilale Kuarta-feira (04/10).
Fatin hanesan xefi Suku Bahamori Estanisilão Guterres,senti kontenti ho enkotru advokasia ne’ebe impelementa husi Fundasaun-Sentru Feto Haburas Dezenvolvimentu,tanbe bele fo hanoin ba xefi suku hotu iha postu Administrativu Venilale maibe husu atu aktividade advokasia hala’o too Aldeia.
“Programa enkontru Advokasia kona ba nivél Postu ami senti di’ak liu maibe labele too ohin loron de’it iha postu tanki abranje too suku tanba razaun Komunidade iha suku dalabarak seidauk komprende violénsia domestika,”Xefi Suku Bahamori Rekomenda.
Entertantu Komandante Eskuadra Postu Administrativu Venilale Inspektur Asistente Sebastião Freitas, hateten durante fulan sia ho balun hahu janeiru too inisiu outubru konsege resjita kazu violensia domestika hamutuk 14 no kazu abuzu seksual hamutuk 3 no kazu hirak ne’e rejista hotu ona iha ministeriu publiku.
“Kazu hirak ne’e Polisia Eskuadra Venilale Seksaun responsavél krimi ninian liu liu violénsia domestika atende kazu rejistu hotu ona Minsteriu Públika, dehan Komandante Eskuadra Postu Administrativu Venilale.
Enkuantu,aktividade enkontru advokasia nivel Postu Administrativu ne’ebé realiza hosi F-CFHD,tanba hetan apoiu husi Servisu Apoia Sosiedade Civil Auditória Sosiál(SASCAS).(NT)
