DiliPost.com-Ministru Administrasaun Estatal, Tomas Cabral, atualiza ba Prezidente Repúblika kona-ba komemorasaun Loron Independénsia, 28 Novembru no fó pose ba Xefe Suku sira hafoin eleisoens suku ne’e remata.
‘’Serimónia ofisiál ba 28 Novembru, tanba la’o hamutuk kedas ho elisaun xefe suku, signifika iha postu administrasaun sira hotu sei iha serimonia hasa’e bandeira, hotu kontinua ho fó pose ba membru konsellu suku sira, inklui iha munisipiu Dili’’,dehan Ministru Tomas ba jornalista iha Palasiu Presidensial Bairo-Pite, Sesta Semana kotuk.
Nune’e Governu sentrál sei komemora 28 Novembru iha Palásiu Prezidente maibé laiha seremonia fó pose. Munisipiu no Postu Administrativu sira sei halo seremónia fó pose depois seremónia hasa’e bandeira iha sira-nia fatin.(AnY)
