DiliPost.com (OÉ-CUSSE) –Komandu Polisía Nasionál Timor-Leste (PNTL) iha Rejiaun Administrativa Espesíal Oé-Cusse Ambeno (RAEOA) liu husi Seksaun Operasionál prontu ona asegura selebrasaun Loron mate bian 02 fulan Novembru 2023.
Tuir komandante interinu RAEOA, superintendente Nikolao F. da Costa subliña katak, Komando PNTL RAEOA orienta ona ba seksaun operasional atu halo planu destakamentu polisia sira iha Semiteriu Públiku sira atu halo operasaun hodi fo seguransa ba loron finado.
“Preparasaun PNTL rejiaun Oé-cusse, preparadu ona atu asegura misa loron matebian nian, hosi komandu mós orienta ona komandante operasaun atu halo plano opersaun siguransa ni’an, hodi deskata sira iha semiteriu Públiku,” dehan komendante interinu RAEOA ne’e ba jornalista, iha nia knar fatin,Tersa ohin.
Superintendente Nikolao hatutan katak, komandu rejionál mós forma ekipa ida atu halo liña koordenasaun ho parte Igreza, hodi haree liu ba orariu missa ba kari ai-funan ni’an.
Tan ne’e, nia mós husu ba komunidade sira liu-liu iha RAEOA, Kompostu husi suku 18 no aldeia 63, presiza kria paz, dame, estabilidade iha selebrasaun loron matebian. (Donny)
