BAUKAU (DiliPost.Com)-Hare ba Preokupasaun Komunidade nian iha Baze , Hafanun Tebes Joven Criativu Rui Marçal Da Costa, Hodi Bele Kandidatu A’an Ba Xefi Suku Triloka Munisipiu Baukau, hodi Kompete Ho Kandidatu seluk iha Eleisaun Lideransa Lokal ne’ebe sei Akontese Iha Loron 28 fulan Outubro ne’e.
Tuir Rui Marçal Da Costa Katak, Durante Desenvolvimentu Ne’ebe Hala’o Iha Suku Laran La tuir Saida mak Povu Hakarak.Husi Hirak ne’e Hotu mak Inspira Nia Hodi Kandidatu ba Xefi Suku , Nune’e Nia Bele Halo Mudansa ba Dezenvolvimentu iha Suku Laran tuir Saida mak Povu sira Hakarak ,Liu Kona ba Preokupasaun ne’ebe sira Enfrenta.
“Hau nia pontu devista Kona ba Dezenvolvimentu la lao tuir Komunidade nia Hakarak no Hare liu ba kor i familiarismu, Entaun Husi ne’e Mai Hafanun hau Oinsa hau bele Halo Perparasaun hodi Kompete no influenza maluk Joven no inan aman,intelektual iha suku laran hodi fo bele Konfiansa ba Hau, no hau Hakarak halo Mudansa ba ita nia suku no hari Hikas pas no Estabilidde iha Komunidade nia let,hodi Nune’e Livre ba Joven no Komunidade hodi halo sira nia atividade ho Kontente.”Haktuir Kandidatu ne’e Ba Dilipost.com Via WhatsAp.
Tuir Kandidatu Xefi Suku Triloka ne’e, Katak Dadaun ne’e ,Nia Hahu Aproxima komunidade Tuir Realidade ne’ebe Akontese iha suku hodi halo Mudansa karik Eleito sai servidor ba Komunidade.
Rui Hatete Wainhira Povu Triloka Depozita Konfiansa ba Nia Iha Eleisaun Suku ne’e ,mak Nia Halo Relasaun amidaze ho Joventude liu husi Area Desportu no Grupo produktivos hodi Kria pas Estabilidde ba Joven no la hare kor ka Raça.
Hanesan Foin sae ne’ebe Mai ho Hanoin Konstrutivu hodi Kandidatu ba Lideransa Lokal ne’e, Rui Marçal Da Costa Imforma Sei Tau Atensaun Prioridade ba Setor importante sira ona Povu Nia Moris Iha Baze.
“Edukasaun,Saude ,Bemos , Eletrisidade,Ema ho Difisiensia ,idozu no vetranus sira, Hanesan foin sae Sector hirak nee Importante Tebes ba desmvolvimento ita nia rai no Komunidade sira.” Tenik Rui.
Kandidatu ne’e Mai ho Motto ne’ebe ” Moris ho komunidade, hamutuk ho komunidade.No
Misaun mak Promove Progressu, Saudavel no Dezenvolvimentu Sustentabilidade.
Husi Kandidatu nee Vizaun mak Hametin Unidade, Paz , Estabilidade no Desenvolvimentu iha suku.
Suku Triloka Total kandidatura hamutuk Nian 7 no iha Aldeia 4,ho total Eleitores hamutuk 1.792.
Reportazem:Javelino
