DÍLIPost.Com- Diretora Rede Feto Timor Leste (RFTL), Aida Expostu Enkoraja Eleitores Feto Sira iha Timor Leste ,atu Depozita Konfiansa ba Kandidatu Xefi Suku Feto iha Eleisaun Lideransa Lokal ne’ebé Sei Akontese iha Sabdu Loron 28 Fulan ne’e.
Aida Expostu Dehan Rede Feto Timor Leste Apresia Tebes Inisiativa Feto Timor Leste ne’ebé Brani Hodi Foti Desizaun Atu Kompete iha Eleisaun Lideransa Lokal ba Periodu 2023_2030.
Tuir Rede Feto Timor Leste Nia Hare Katak iha Eleisaun Lideransa Lokal iha Periodu Hirak ba Kotuk, Partisipasaun Feto iha Kandidatura Xefi Suku Menus Tebes, maibe ho Eleisaun Suku ba Tinan 2023 ne’e, Maioria Feto Barak mak Foti Desizaun Atu Kompete ho Mane Sira ba Lideransa Lokal.
Ho ida Ne’e Nudar Orgaun ne’ebe Servisu ba Labarik no Feto sira, Husu ba Populasaun Timor Leste atu Fo Votu ba Kandidatura Feto iha Eleisaun Suku.
“Eleisaun Suku iha 2023 ne’e Feto Barak mak Kompete hau hanoin sira mos prepara a’an ona oinsa atu Sai Lideransa ,Tanba sira mos iha ona Esperiensia oinsa atu Lidera no Sai Lideransa Lokal tuir Mehi ne’ebe sira iha.” Diretora Ezekutiva RFTL ne’e ba Dilipost. Com iha Delta Nova Kuarta ne’e (25/10).
RFTL Observa katak Maioria Feto Timor Leste iha ona Hanoin Misaun no Vizaun atu Kontribui ba Desenvolvimentu Nasaun nian iha rai Laran ,liu liu iha Nivel Baze.
“Wainhira Feto Ukun no Asume Kna’ar Nudar Xefi Suku ,Hau hanoin sira bele Implementa sira nia Plano ne’ebe sira iha ,Liu liu iha Nivel Baze hodi Kontribui ba Desenvolvimentu Nasaun nian. “Aida Expostu Afirma.
Nia dehan Hanesan Feto Timor Leste Enkoraja ba Feto sira atu Prepara A’an ho didiak no Brani Hodi Foti Dezisaun ruma hodi bele Kompete iha Asaun saida deit ne’ebé atu Kontribui ba Desenvolvimentu Nasaun.
” Ba feto sira timor leste atu Fo Votu ba Kandidatura Feto ,Tanba Vota ba feto kuandu ukun signifika Vota ba Mudansa iha sosiedade.” Nia Tenik.
Iha Eleisaun Lideransa Lokal ba Periodu Tinan 2023-2030 ne’e Kandidatu Xefi Suku iha Timor Leste hamutuk nain 2.117 Kompostu husi Mane 1.876 No Feto 241.(JAVEL)
