DÍLI Post.Com– Diretora Fokupers Timor Leste Maria Fatima Guterres Imforma, Husi Janeiru To’o Setembru Tinan ne’e, Fokupers Rasik Rejistu Kazu Violasaun Bazeia ba Genero no Violasaun Hasoru Labarik Hamutuk Kazu 206.
Husi Numeru Kazu hirak ne’e Kompostu husi Kazu Violasaun Domestika, Kazu Violasaun Seksual no Kazu Insestu ne’ebe Durante ne’e Akontese.
” Durante janeiro mai To’o Setembru ami Rejistu Kazu Violasaun Bazeia Generu hamutuk 206, ne’e ita konsidera Hanesan Kazu sira ne’ebé ita Presiza Lori ba Prosesu.” Imforma Diretora Fokupers ba Dilipost.com iha Delta Nova Kuarta ne’e (25/10).
Husi Kazu hirak ne’e maioria Violasaun Domestika Entre Fen ho Laen Mak ho Numeru ne’ebé Bo’ot ,Tanba Komete iha Kazu Violensia Fiziku entre Fen Laen.
“Ida ne’e mak Ami Rejista barak Liu husi Tempu ba Tempu, Ba Kazu Violasaun Domestika.” Afirma Maria.
Tipu Kazu Violasaun Domestika seluk tan ne’ebe Fokupers Rejista mak Kazu Abandona Entre Parseiru sira(Fen laen) no Oan sira ne’ebé mak Parseiru sira deside Hodi Lakon Responsabilidade entre parte Rua nian.
“Babain ami iha mekanismo referal sira Husi Parseiru sira ne’ebé ami servisu hamutuk hanesan JSMP,VPU,ALFELA PRADET, Nune’e wainhira iha Kazu Ruma sira refere mai Iha Fokupers ,Wainhira vitíma sira iha Nesesidade atu asegura iha Uma Mahon.” Nia Esplika.
Husi Kazu hirak ne’e wainhira Vitíma sira Ladun sente Seguru ba sira nia A’an, mak Parte Fokupers sei Lori ba uma Mahon Ho Durasaun Husi Semana rua ou bele to’o Tinan Rua ,Depende ba Tipu Violensia ne’ebe Vitíma sira hasoru.
Diretora Fokupers ne’e Esplika kazu Violasaun Domestika ne’ebe Durante ne’e Rejista barak Liu husi Munisípiu Ainaro,Manufahi no Ermera.(JAVEL)
