DiliPost.Com- Vise Ministru Adminitrasaun Estatal (MAE) Jacinto Rigoberto sei fo prioridade fornese be moos ba komunidade sira, ne’e duni tinan oin presiza tau orsamentu responde nesesidade ne’ebe povu infrenta iha baze.
Governante ne’e dehan desde tinan 10 ona, programa Planu Nasional Dezenvolvimentu Suku (PNDS) ne’e hanesan regular orsamentu kada tinan aloka ba kada suku, no deside sira nia prioridade.
“Ita nia komunikdade no autoridade sira sempre koalia kona ba be moos ne’ebe sai hanesan prioridade ida ne’ebe maka sira foti desde 2013 ate 2023,”dehan Vise Ministru Jacinto, bainhira sorumutu ho Vise Primeiru Ministru interinu iha Ministeriu Obras Publika Terse feira (26/09).
Iha opurtunidade ne’e nia mos agradese tebes ho desizaun ne’ebé vise Primeiru Ministro ninian hodi konvoka linas setorais sira hodi enkontru koalia konaba espesifikamente ba be’e mos iha teritóriu Timor laran tomak.
Nia hatutan hanesan entidade hotu hatene be’e ne’e asuntu importante teb-tebes ba vida moris, no be’e ne’e nesesidade bazika kumunidade sira nian, ne’e duni problema be’e komunidade sira hasoru laos de’it iha kapital.
Maibe, nia deahan iha area remotes moss kumunidade sira hasoru hela difikuldade sira ne’e, responde ba komunidade nia difikuldade sira ne’e maka governu iha Miniteriu Obras Publika.
Alende ne’e Orsamentu ne’ebe maka liu husi PNDS, atribui ba komunidade sira, mos defini, hodi hala’o konstrusaun ona fo atende komunidade sira iha suku no aldeia.
“Orsamentu ne’ebe maka liu husi PNDS, atribui ba komunidade sira, i sira mos defini, hodi hala’o konstrusaun ona fo atende komunidade sira hamutuk. 970 prozetus i suku balun aldeia, ida ne’e maka progresu ne’ebe maka lao mesmu iha nia implementasaun liuliu ba programa PNDS ba be’e moos hasoru difikuldade tanba ida atrazu barak ne’e maka implementasaun be’e moos ninian ho problema ne’ebe mak iha,”haktuir Jacinto.
Tan ne’e, nia propoin presiza Orsamentu ne’ebe maka bo’ot oituan, hodi bele dada husi be’e matan ne’ebe maka dok to’o mai iha komunidade.
Entaun, orsamentu PNDS nian ne’e tinan ida masimu 50 mil de’it, sira tenki hein tau hamutuk ba tinan 2 ninian.
Ne’e mos iha implementasaun dalaruma presiza dehan kultural mente tenke halo tuir i uzu tradisional ruma ida ne’e mos impata ba demora dada be’e.
Maibe, iha fatin balun PNDS husu kompania para fura be’e, mais fura mos predija halo profurasaun, no kompania sira mos dala ruma ho sira nia kbi’it limitadu sira fura mos han tempu, sira ne’e hotu maka demora implementasaun programa PNDS.
“Liu-liu iha parte be’e mos ninian maibe iha prinsipiu iha suku hotu-hotu be’e mos kuaze kobre ona, i balun ne’ebe maka suku sira uluk be’e iha tia mota okos komunidade hela iha leten ho eletridade ne’ebe maka iha, agora sira komesa dada be’e, supa be’e ne’e husi mota okos sae ba foho leten,” tenik vise Ministru ne’e.
Nia fo ezemplu ida semana rua liu ba ba inagura fatin Reorema ne’e be’e iha okos. Maibe iha leten ne’e komunidade sira kontenti.
Ho ida ne’e primeiru MAE liu husi programa PNDS sei kontinua esforsu an servisu ekipa ho parte hotu-hotu hodi implementa programa PNDS liu-liu ho be’e moos ne’e lao ho diak, hodi bele responde komunidade sira nia nesesidade iha baze tuir sira nian prioridade.
Segundu ho formasaun ekipa ida agora dadaun ne’e, bele dehan fo kbi’it vantazen liu ba estatal tanba fatin balun ne’ebe maka liu husi ninian PNDS, la konsege mais servisu nu’udar ekipa bele responde ba nesesidade komunidade sira nian. (Charles)
