BOBONARO (DILI Post)-Komunidade Husi Suku Atua-Ben Postu Administrativu Bobonaro Munisípiu Bobonaro, Octaviano De Souza Husu Ba Prezidente Repúblika José Ramos Horta, atu iha Mandatu Tinan Lima ne’e, Rekomenda ba IX Governu Konstitusionál Atu hadia Lalais Kondisaun Estrada Husi Maliana Villa Liga Ba Postu Administrativu Bobonaro.
Tuir Joven Bobonaro oan ne’e Haktuir Tempu Udan Populasaun Sira susar tebes atu Asesu ba Merkado no fatin ba ne’ebe deit.Nia Hatete mos Munisípiu Bobonaro Hanesan Munisípiu ne’ebe Riku ho Fatin Turistiku ne’ebe bele Atrai Ema Estranjeiro sira mai Vizita,maibe Komdisaun Estrada mak Ladaik.
“Hau Hanesan Joven ida husi Bobonaro, Ami husu Liu liu ba Ukun nain Sira atu Tau atensaun ba ami nia estrada,kuandu tempu Udan ami Komunidade sira susar tebes atu assesu.” Bobonaro oan ne’e Espresa realidade ne’ebe sira hasoru ,iha Vizita Prezidente Repúblika nian iha Sitio Turistiku Be manas Tersa ne’e (25/7).
Iha Sorin Seluk Xefi Aldeia Soilesu Ai-asa Beatris dos santos Hato’o mos Preokupasaun Komunidade nian kona ba Kondisaun Estrada ,ne’ebe sempre Komunidade sira atu Lori Produtu ba Merkadu.
“Hanesan Autoridade lokal Ami husu ba Governu sebele tau matan ba ami nia estrada ne’ebe kondisaun Ladiak desde uluk mai to’o ohin lorin ,governo Seidauk hadia.” Lideransa Lokal ne’e imforma.
Hatan ba Preokupasaun Komunidade Munisípiu Bobonaro Prezidente Republika José Ramos Horta, Hatete Nia Parte nafatin fo Fiar Primeiru-Ministru Kayrala Xanana Gusmão, ne’ebe Dadaun ne’e Lidera IX Governu Konstitusionál atu iha Noa mandatu tinan lima ne’e bele Rezolve ona Preokupasaun Komunidade nian kona ba Enfrastrura sira ne’ebe Povu Bobonaro infrenta.
Horta mos iha Konfiansa ba Primeiru-Ministru Kay Rala Xanana Gusmão atu iha mandatu ida ne’e, bele rezolve estrada Lalais Estrada ne’ebe difikulta povu Bobonaro atu lori sira nia produtu ba merkadu.
“Hau konfia Avo nana ho nia lideransa, nia matenek tinan tolu nee bele halo dezenvolvimentu makaas iha area imfraestrutura hanesan estrada rural, agrikultura iha zona rural, bee mos hadia eskola sira,” Imforma PR horta iha aktividade Apoiu Aihan Nesesidade Bazika Ba Komunidade Vulnéravel iha Suku Atua-Ben Kuarta ne’e (26/7)
Tuir Prezidente Republika Katak Infrastrutura Bazika Mak hanesan Faktor Determinante ba Povu atu atu bele hadia Sira moris,tanba ne’e presiza atu Tau atensaun hanesan hadia estrada rural, dada bee mos ba komunidade, apoiu komunidade sira, hadia eskola ba labarik sira.
Jornalista:Javelino Da Silva
