MAROBO (DILI Post)-Joventude No Autoridade Lokal Marobo Postu Administrativu Bobonaro Munisípiu Bobonaro, Octaviano De Souza Husu Ba Governu Da sia Atu hadia Fasilidade Iha Sitio Turistiku Be manas Marobo hanesan ,Uma, Sanitariu no instala Eletrisidade.
Alende ne’e Husu Governo Atu Hadia Estrada Husi Bobonaro Liga Ba Sitiu Turistiku Be manas marobo ne’ebe Ho kondisaun ladiak no fo Ameasa ba Vizitantes sira bainhira hakarak Vizita Fatin ne’e.
“Hanesan joven ami husu hadia mak Fasilidade sira iha fatin nee, Instala Eletrisidade, no Hadia Estrada Mai Iha Sitio Turismo Be manas Marobo nian,tanba Dalan ladiak ,halo Ema atu mai Vizita mos ba ema tauk,tanba ne’e mak ami husu ba Governu atu hadia fasilidade. “Dehan nia Ba Dilipost.com iha Fatin Bemanas Marobo Tersa ne’e (25/7).
Iha sorin Seluk Xefi Aldeia Soilesu Ai-asa Beatris dos santos Akresenta, Kondisaun Estrada ne’ebe a’at halo Vizitantes sira tauk hodi la ba vizita fatin ne’e, tanba ne’e hanesan Autoridade lokal husu ba parte kompetente atu bele tau atensaun.
“Hanesan ita bo’ot hare no sente rasik mai to’o iha fatin ne’e,Estrada ladiak entaun semak brani atu mai Vizita.” Dehan Beatris.
Nia kompara iha Governasaun pasado Governu konsege Rehablita ona ,estrada rural ka Fui Semente (Cor), maibe iha tempu Udan Estrada nee A’at fila fali tanba impaktu husi udan no rai Halai hodi estraga fila fali Dalan.
Tuir nia katak,Husi Kondisaun estrada A’at mak durante ne’e Vizitantes sira menus tebes Vizita fatin ne’e.
Tuir Observasaun Dilipost.com iha Fatin Bemanas Marobo ne’e hatudu ,Sentina Publiku ne’ebe Governu anterior Konstrui odamatan sira hahu a’at, no besi sira Ferugen no Du’ut Metan husi uma laku hahu monu hotu ona.
Jornalista: Javelino Da Silva
