DiliPost.com- Polisia Tranzitu (PolTranz) Munisipiu Dili ho ekipa Sekretariu Estadu Asuntu Toponimia no Organizasaun Urbana (SEATOU) halao Operasaun Konjunta ba transporte ne’ebé para la tuir regras tranzitu nian asegura hamutuk rua nulu resin lima (25).
Liu husi koferensia imprensa, Segunda-feira (27/07), Komandante Tranzitu no rodaviária Munisípiu Dili, Superintendente Asistente Polísia, Delfim da Silva informa ba jornalista katak operasaun ne’e hala’o iha Sábadu kalan iha área Ponte BJ. Habibie to’o iha Culu-Hun, haree ba kareta no motor sira ne’ebé para la tuir regras nunee, ekipa husi DNTT sobu sai plat kareta no motor balun asegura ba iha DNTT nia edifísia, balun asegura iha Komandu Munisípiu Dili tanba espasu la too.
“Motor ho kareta neebe para iha trotoa leten sira nee ,kareta ita sobu plat motor nain laiha ita sobu deit plat no motor nain iha ita lori mai iha komandu Munisipiu dili,” afirma Superintendente Asistente Polísia, Delfim iha Komandu Munisípiu Dili.
Nia mos haktuir Transporte hirak ne’ebé sabadu kalan ekipa halo operasaun no asegura motor ho xapa matrikula ne’e ohin hahú ona distribuisaun ba transporte na’in sira bainhira kumpri ona prosesu administrasaun no selu ona koima iha Banku.
Ba transporte hirak ne’ebé DNTT asegura, sei hein pasa reseitas hodi mai aprezenta iha komandu munisipiu Dili hodi pasa reseitas atu nune’e bele ba selu iha banku hafoin lori hikas resibu ba aprezenta iha komandu mak foin entrega fali motor no sapa matríkula ba nain.
Aliende ne’e nia dehan operasaun nee sei kontinuan too bairu laran.
“Durante operasaun ne’e ekipa la asegura kareta maibé prende deit Xapa matríkula,” tenik Delfim.
Nia mos relata kona ba motor sira neebe nain iha sobu deit nia plat no motor neebe nain laiha lori motor sira nee, balun para iha Komando Munisipiu Dili no balu iha DNTT,” nia sublina.
Nia informa, motor ne’ebé asegura iha Komandu PNTL Munisipiu Dili total hamutuk 25 nomós Xapa Matrikula lubuk ida, nune’e bainhira motor nain selu tiha imprensaun iha banku mak sira bele foti fali motor.
Delfim esplika, kona-ba selu koima ba kareta no motor, depende ba nia grau, bainhira xapa matríkula laiha kontra sinais tranzitu no dokimentus laiha nia multa ba koima la hanesan.
“Sapa matrikula selu $45, kontra sinain selu $45, motor para sala selu $45, motor espelu laiha selu $45 maibé depende ba grau iha operasaun nee, operasaun ba mak motor sapa matrikula, espelu no dokumentu motor laiha seluk barak ezemplu motor sapa matrikula laiha selu $60, ” nia hatete
Ne’e duni, nia apela ba komunidade sira ne’ebé iha kareta no motor tenke para iha nia fatin, labele para iha fatin publiku okupa estrada no kontra sinais tranzitu.
Jornalista : Octaviana Costa
