Dílipost.com, Loron 1 Abril 2026 — Fieis Católicos iha Timor-Leste no iha mundu tomak selebra hela festa Páscoa, loron boot liu iha Igreja Católica ne’ebé hanoin Jesus Cristo nia ressurreição husi mate.
Arcebispo metropolitana Dili, kardeal Dom Virgílio do Carmo da Silva hateten, Páscoa, ne’ebé mai husi liafuan Pascha (Grego no Latim) no iha orijen husi Hebraiku Pesach, signifika “passagem”.
Historikamente, selebrasaun ne’e liga ho libertasaun povu Ebreu husi escravidão iha Egipto.
Ba fieis Católicos sira, Páscoa agora hetan significado espiritual liu tan, tamba marka vitória moris nian liuhosi Jesus Cristo nia moris hias.
Durante Semana Santa no Tríduo Pascal, igreja sira iha rai laran organiza atividade espiritual oioin, inklui missa, via-sacra no konfisaun.
Fieis barak aproveita tempu ne’e atu hametin sira nia relasaun ho Maromak no mos halibur família sira iha oração hamutuk.
Iha nia mensajen Páscoa, Papa Francisco bolu fieis hotu atu moris ho esperansa no kontribui ba paz iha mundu ida ne’ebé sei hasoru konflitu no violénsia.
Nia mos enfatiza importância solidariedade, perdão no unidade entre ema sira.
Observador sira hatete katak Páscoa la’ós deit selebrasaun relijioza, maibé mos momentu importante ida ba renovasaun espiritual no sosial.
Iha kontekstu ne’e, Igreja encoraja juventude sira atu fó tempu ba Maromak no envolve iha atividade ne’ebé promove dame no fraternidade.
Nune’e, selebrasaun Páscoa tinan ida ne’e lori mensajen klaru ida ba fieis sira: iha situasaun difícil sira, esperansa sei nafatin iha, tanba moris mak manán hasoru mate.
Jornalista : Azacsi Quintão
