DiliPost.com– Governu sei loke luan Estrada hahu husi Ponte Kuluhun to’o Fatu-ahi Xefi Suku Kuluhun, Posto Administrativu Kristu Rei komesa halo levatamamentu dadus ba komunidade sira ne’ebé afeita ba konstrusaun iha fatin refere.
Dadaun ne’e Governu liu husi Ministeriu Obras Publiku (MOP) lori ona karta notifikasaun hato’o ba autoridade lokal atu relata ba komunidade sira ne’ebe antes ne’e tau ona sinal
Iha intervista Xefe Kuluhun, Deus Dado Martins informa sira foin dadaun simu ona ekipa husi MOP mai koalia ona kona ba kontrusaun estrada husi Ponte Kuluhun ba to’o Fatuahi.
“Ha’u simu ona ekipa ida husi MOP mai hato’o ba Liu rai suku sira no hodi mos notifikasaun balun iha ne’e para ita boot no xefe aldeia, atu fahe informasaun ruma ka partilla ba ita nia komunidade sira ne’ebé mak ami tau ona sinal para tempu barak ami tuku karik sira la bele atu hakfodak, ” haktuir xefi suku Deus ba DILI Post iha nia knaar fatin, Tersa feira ne’e.
Ho karta nutifikasaun ne’e nia nudar autoridade lokál fo ona informasaun ba komunidade sira ne’ebé mak ekipa husi MOP ne’e mai tau sinál iha semana kotuk.
” Agora dadaun ita fo ona informasaun ba iha ha’u nia Komunidade sira ne’ebé mak sira mai tau sinal ne’e, iha semana kotuk atu sira bele prepara an,” tenik autoridade lokal Kuluhun ne’e.
Nia hatutan planu husi Governu nia katak sei loke luan dalan hahú husi Ponte Kuluhun ba to’o iha fatuahi hahu husi suku Kuluhun baliza mak iha Ponte Maufelo pur volta 21 ka bele liu husi xefe famíliar mak sei afeita ba konstrusaun ida ne’e.
“Ami sei halo levatamamentu dadus mak foin hatete detallu lolos, ha’u tauk ha’u fo liu tiha fali mós ida lakona fali mós ladun di’ak,” afirma Deus.
Aliende ne’e, nia dehan hanesan autoridade lokal suku Kuluhun bainhira simu karta husi MOP sira halo kedas servisu fahe informasaun ba sidadaun sira ne’ebé hela besik estrada ibun atu prepara a’an ona.
“Ami koalia bazeia ba karta ne’ebé mak haruka mai. Maibé, kona fali ba bainhira loos mak atu ezekuta ne’e sira ladun hatete,” subliña xefi Suku Kuluhun ne’e.
Entretantu ekipa husi MOP sira iha tempu besik tun direita ba fatin antes ne’e sira marka ona sinal ne’ebé sei hetan akompañia husi xefi suku, Xefi Aldeia no Ofisial Polisia Suku. (ercia)
