DILI Post.com-Sekretario Estado komunikasaun Sosial (SEKOMS),Expedito Loro Dias Ximenes Abertura Ofisial Expozisaun obra estudantil ne’ebe Aprejenta husi Estudantes Departamnetu komunikasaun Sosial,Universidade Timor Lorosa’e (UNTL).
Sekretario Estado komunikasaun Sosial, Expedito Loro Dias Ximenes,afirma, Expozisaun foto obra jornalistiku ne’e hatudo Publiku no mos ba estudante sira, hotu hatene iha prinsipio baziku ba jor
“ Mensagem foto ne’ebe ohin kolega estudante sira fo sai iha sira nia expozisaun obra jornalistiku ne’e importante diak teb-tebes, ita hotu hein katak ida ne’e diak no espresaun hadomi ba profisaun futuru ema ne’ebe hakarak servisu iha media” dehan SEKOMS Expedito Loro Dias Ximenes hafoin abertura Feira ne’e iha Resinto UNTL kaikoli Kinta ne’e (3/10).
Governante ne’e dehan konserteza sira ne’ebe mai husi departamento komunikasaun sosial laos cem pursento sira atu sai jornalista, maibe minimu sira komprende oinsa necesidade publiko ninian konaba imformasun, sira mos komprende valor prinsipio jornalismu nia.
Liliu oinsa mak sira ne’ebe sai hanesan ema ne’ebe preparado atu sai lian tilun nomos ibun ba iha publiku, sira preparado no komprende konaba valor ou forsa husi media iha nasaun ida ne’e.
“ Ha’u presia tebtebes iha fotografia barak mak espresaun kapas tebes, hatudo katak sira iha duni vokasaun atu sai ema ne’ebe lian ho tilun matan ba iha publiko ninia” Apresia SEKOMS.
Expedito Dehan,Tantu video hanesan audio vizual, iha mundo ida agora barak mak halai liu ba audio vizual maibe keta haluha katak fotografia ida ne’ebe mos espresaun importante tamba audio vizual sira hare rona maibe nia produsaun ida diak no kualidade presija lori mos tempu.
“ entaun iha produsaun foto sira hanesan ne’e ho audio vizual hatudo katak konbisaun entre materia valor hanorin iha banku universidade sira no implementa matrializa iha produsaun ne’ebe sira halo seminario iha loron tolu nia laran”.Katak Expedito.
Nia hateten espozisaun iha mos orador espesial no mos orador sira seluk oinsa atu esplika konaba benifisiu no importansia husi fotografia ho audio vizual.
Entertantu Direktur Departamentu comunikasaun sosial UNTL, Roberto Da costa Paecheco, hatete expozisaun kada tinan departamento komunikasaun sosial realiza,objetivo realiza expozisaun tamba estudante sira hetan materia foto jornalismu no mos sel-seluk.
Entaun obra sira ne’e, estudante sira hetan foto no mos materia seluk, iha meus ida ne’e, sira bele hatene katak estudante sira aprende duni no sira mos iha konesimento diak ,ho ida ne’e maka kada tinan departamento komunikasaun sosial realiza expozisaun ba obra sientifiku fotografia ba estudante sira liliu iha semester seis(6) ba leten.
“Ha’u husu ba estudante sira aproveita didiak saida professor sira hanorin no mos aprefesoa sira nia konesimento iha jornalismu ninia liliu iha foto jornalismu nian, tamba husi foto bele hato’o mensagem rihun ba leten atu bele kompriende saida mak ema ou sosiadade sira senti hela”.Imforma Nia.
Iha fatin hanesan partisipante husi estudante UNITAL,Cedelizio Moniz C. Do Rego, esklarese aktividade ida ohin deprtamentu komunikasaun sosail UNTL realiza ne’e importante tebes no senti orgullo bele prezensa iha iha espozisaun ida ne’e.
Atividade UNTL departamento komunikasaun halo nia senti buat foun ba nia mak iha kriatividade oinsa sira produs video ou hasai foto ne’e faz parte mos bele enkoraze sira no dezafia sira atu ba oin sira mos iha kriatividade diak liu no bele hatur sira nia profesionalismu, profesionalismu bele treina sira nia an iha prosesu aprendizajem.
“ Aleinde atividade ida ne’e sira mos halo iha nivel pratika iha aula laran, no mos iha materia balu relasiona ho jornalismu bele impoin ami halo iha aula laran, atividade em Geral hanesan ne’e mak ami nia universidade UNITAL seidauk halo,maibe ida hanesan parte ida bele motiva ami no ami fiar ho garante katak iha tempu badak ami sei realiza iha ami nia universidade, hanesan saida mak komunikasaun sosial UNTL halo”.nia Komenta.
JornalistaAzaksi Guterres
