Dilipost.com- Relasiona ho atendementu Ministeriu Justisa (MJ) liu husi ninia sanak Notariado ba atendementu Translite Bomkonportamentu iha requerente barak maka la sastifas tanba servisu Ministeriu nian fo fali ba Rental maka halo translite hafoin requerente sira selu $5.00 iha Rental.
Ba DILI Post Mateus Magno la sastivas ho servisu atendementu Notariado nia ne’ebe atende ba onkonportamentu tanba bainhira nia rasik ho nia kolega sira ba trata Bomkonportamentu ho lian Portugues atu muda ba Lian Inggles, maibe haruka sira ba translite iha Rental ne’ebe besik, tanba dehan Faile iha hotu rental no bainhira sira ba rental halo hotu ema ida selu $5.00 sira mos hakfodak.
“Hau hanesan Joven ida Timor oan hau lasastifas ho servisu atendementu Notariado nia ne’e tansa servisu Mimisteriu nia fo fali ba iha rental maka halo, depois tenke selu $5.00 ba suratahan ida deit ne’e sistema ida ne’e ladiak liu Ministru tenke halo inspesaun ba funsionariu sira, ita bele deskunfia iha broker ne’ebe servisu hamutuk ho rental sira ne’e,”dehan Mateus Magno iha Ministeriu Justisa Bebora-Dili, Tersa feira ne’e.
Nia hatutan sistema ne’e ladiak estraga Timor oan sira, tanba balun ba trata Bonkonportamemtu la lori osan balun lori $1.00 ou $2.00,susar atu selu $ 5.00 ba rental sira tenke inpresta fali kolega balun nia osan hodi selu.
Iha fatin hanesan Miguel Martins mos hateten sistema ne’e tenke hadia atu nune labele fo desaraska ba Timor oan sira ne’ebe maka presiza, muda sira nia Bom konportamentu ba lian inggles.
“Ita espera sistema ne’e bele hadia tanba sistema ladiak servisu funsionario ministeriu nia bele fo fali ba ema sira iha rental maka halo fali ne’e ladiak, ita deskunfia ne’e ministeriu halo servisu hamutuk ho Rental sira, ita hatene katak ita Timor oan barak maka inan ho Aman vida moris agrikultor, no sira fo osan ba sira nia oan mos tuir nesesidade ne’ebe maka sira iha, agora ita obriga sira ba selu suratahan ida deit $5.00,sira balun hakfodak no dada iss,tuir lolos bele selu mais redus ituan pelemenus $ 1.00 “ hakotu nia.(AL)
