DILI Post -Ministériu Justisa (MJ) sosa ona mákina impressora passaporte hamutuk unidade rua (2) hodi halo atendimentu di’ak liu-tán bá timoroan sira no oras-ne’e daudaun iha hela prosesu instalasaun sistema.
Governante ne’e Hatete,Governu kontrata empreza ida ho naran Thales ho ninia sede iha Singapura hodi sosa impressora rua ne’e ho valór orsamentu $330.000.
“Kona-bá pasaporte, daudaun ne’e ita iha ona mákina rua ne’ebé ninia prosesu to’o ona iha faze pagamentu. Agora kompañia halo hela instalasaun atu sira bele kompleta tuir sira-nia devér no obrigasaun,” Ministru Justisa Sérgio de Jesus Fernandes da Costa Hornai Imforma Asuntu ne’e, hafoin Enkomto ho Primeiru-Ministru (PM), Kay Rala Xanana Gusmão iha Palasíu Governu, sesta (21/06/2024).
Ministru Justisa rekoñese katak, durante ne’e tratamentu pasaporte tarde tanba iha duni impressora tolu maibé rua avaria, no atu bele normaliza lalais atendimentu presiza iha ninia fatin própriu no oras-ne’e halo hela instalasaun atu iha konetividade bá sistema ne’ebé antes ne’e estebelese ona.
Kona-bá estoke kaderneta pasaporte, sei sufisiente hela atu bele hatán bá nesesidade sidadaun sira-nian no Ministériu Justisa halo hela avaliasaun atu haree oinsá hadi’a di’ak liu-tán atendimentu públiku.
Jornalista:Javelino Da Silva
