DiliPost.com – Ekipa teniku husi Ministeriu Finansas (MF) esklarese ezekusaun Orsamental no Projetu Lezislativu ba membru Governu da-sia ne’ebe lideradu husi Primeiru Ministru (PM) Kay Rala Xanana Gusmão.
Eventu ne’e realiza Sesta feira (22/03) ohin, iha Salaun Auditóriu Ministériu Finansas, Aitarak-Laran, Dili.
Partisipa deiretamente husi PM no membru governu sira hetan esklaresimentu kona-ba dekretu lei ezekusaun Orsamentu Jerál Estadu (OJE) 2024; utilizasaun kartaun bankaria, aprezentasaun kona-ba projetu rejime jurídiku aprovizionamentu; aprejentasaun projetu alterasaun lei dívida públika; aprejentasaun projetu regulamentu subsídiu, subvensoens no doasaun públika.
Tuir komunikadu imprensa ne’ebe online Dili Post asesu husi Mídia SEKomS ohin, Xefi Govenu Kay Rala Xanana Gusmão husu ba membru governu hotu atu kompriende di’ak liutan OJE no Projetu Lezislativu ho di’ak.
Tan ne’e, PM apela ba membru governu sira tenke uza osan povu nian ho di’ak hodi bele hadi’a povu nia moris. (**)
