DiliPost.com-Prezidente Repúblika (PR) hatoo nia Mensajen ba ba Timor Oan Tomak,liliu Joven sira atu moris iha Paz no dame nia laran.
PR José Ramos Horta nia mensajen ba Timor-Oan hot-hotu iha
rai laran, iha li’ur, iha ne’ebé-ne’ebé imi hela, husi Dili, Palásiu Prezidensiál Nicolau Lobato.
“ha’u halo mensajen oan ida, ho domin, ho hakuak boot, ho amizade, ho fiar, ho solidaridade ba Timoroan hotu-hotu”.Mensajen ne’e hatoo husi PR José Ramos Horta,iha Palasiu Prezidente Ai-tarak laran Segunda-Feira(22/12/2025).
Tempu natál la’ós tempu úniku ba imi, hadomi malu, maibé tempu ida espesiál ne’ebé Nai Kristu moris tinan rihun rua resin liu ba.
“Nai Maromak tau nia oan Jesus Kristu iha mundu, nune’e hahú dada dalan ba mundu tomak tuir Nai Kristu nia mensajen ne’ebé mai iha Bíblia. Nune’e harii dame, domin iha umanidade tomak.Iha rai laran ita moris ho dame, moris ho domin barak maibé sei iha dezafiu oi-oin, sei iha violénsia doméstika, sei iha violénsia kontra ksolok oan sira, labarik sira, joven sira”.Nia Subliña.
Violénsia doméstika ne’ebé mai, liu husi aman, mane sira kontra fen, kontra ksolok oan sira, ka violénsia luron entre joven sira, krime barak, omesidu barak.
“Tanba ne’e mós populasaun elementu ne’ebé iha Bekora, Gleno, Suai barak, tanba violénsia oi-oin.Loron ida ne’e bele serve ba ita halo promesa ba ita an rasik, nune’e hamate tiha violénsia iha uma laran, iha aldeia, iha suku, ita hanoin ba ita nia familia, hanoin ba viziñu kiak, faluk, oan kiak sira, ne’e mak ha’u nia mensajen.Maibé hanesan
povu hatene, ha’u la hanoin ba kosok oan, kiak, faluk, ferik, katuas sira ne’ebé kiak, tempu natál de’it tinan tomak nia laran Prezidensia Repúblika tau loro-loron atensaun ba kiak sira, ba vulneravel sira, ba ita nia oan, alin sira ho defesiensia, tau matan ba sira ne’e hetan violénsia domestika”.Katak PR.
Ne’e duni tempu natál, tempu dame, domin, maibé la’ós ohin de’it iha 24-25 natál loron festeja la’e, natál tenke tinan tinan nia laran.
“Ita ho espíritu domin, dame natál nian, inspira ita tinan tomak nia laran, ne’e ita bele halo Timor-Leste sai sai duni espesiál iha mundu ne’ebé laiha violénsia domestika. Laiha abuzu kontra feto ka kontra ksolok oan sira ne’ebé ita haree kriminalidade violénsia tun, obrigadu natál kmanek, no tinan foun di’ak liu tan”.Konklui PR.
𝐉𝐨𝐫𝐧𝐚𝐥𝐢𝐬𝐭𝐚 𝐉𝐮𝐥𝐢𝐚 𝐋𝐮𝐫𝐝𝐞𝐬 𝐝𝐨 𝐑𝐞𝐠𝐨.
