DILI Post (Covalima).com-Prezidente Repúblika (PR) José Ramos Horta ho Primeiru Ministru (PM) Kay Rala Xanana Gusmão liu husi Sosiedade Sívil Prezidênsia Repúblika fahe prezente Natál no nessesidade bázika ba dadur sira iha Suai.
Hafoin simu Prezente hirak ne’e, dadur sira iha prizaun Suai hamonu matan been wainhira hetan vizita husi Sosiedade Sívil Prezidênsia Repúblika nian ne’ebé lori prezente natal no nesesidade bázika ba sira.
Iha fahe prezente Adjunta Xefe Kaza Sívil Prezidénsia Repúblika Henriqueta Maria da Silva hateten sira mai hatutan hodi PR no PM nia hanoin ida ne’e harukasira mai,tanba PR ho PR hadomi nia sidadaun sira, hadomi la haré ba nia koor.
“Liu-liu ita sira iha prizaun ne’e,tansa prezidente hanoin katak iha momentu difisil ida ne’e selebra natal ema barak la mai vizita karik, Pelu menus prezidente la marka prezensa mós iha ne’e,maibé liu husi ami prezidente hatoo nia domin hatoo paz, ita tenke iha paz nia laran,wainhira ita sai karik,ita ba fó fali paz ne’e ba ita nia sosiedade paz ne’e hela ho ita nia nasaun, ‘’ dehan Adjunta Xefi Casa Cívil Prezidénsia Repúblika ne’e ba Jornalista Díli Post iha Prizaun Suai Munisípiu Covalima Sesta-feira ne’e
Tuir nia sira ne’ebe tama prizaun ne’e labele haree katak buat la diak,prizaun tempu atu halo reflesaun ba ema hotu. Dala barak la iha tempu atu halo reflasaun, Entaun, sira mai iha ne’e ema barak, maromak ajuda liu husi diretór prijaun sira membru prizaun lubuk ida iha ne’e hadomi,ne’e katak hatudu hadomi sira, maromak nia prezensa iha ne’e .
“Se maromak nia prezensa iha ita boot sira,simu domin ne’e ho hadomi nai maromak,hadomi uluk ilas ne’ebé maromak fó ba ita.Entaun, hau nia a’an hau tenke hadomi, husik buat hotu ne’ebé la diak iha hau nia a’an,para hau bele sai diak,nune’e ita bele sente katak prizaun ida ne’e fatin rflexaun mai ita,sala ne’e ema hotu sala. Maibé, ema ida rekoiñese nia sala,hakarak fali halo buat di’ak nai maromak fó perdaun,’ nia subliña.
Iha fatin hanesan Xefi departementu Prizaun Suai, Augusto H. dos Reis hatoo nia agradese ba PR ho domin no sadia husi PR ba uma Klo’ot ida ne’e.
“Ita hanoin katak ita la iha ema ruma tau matan mai ita,tamba sa moru ida haleu odamatan ida dalas ba dalas,maibé iha nafatin ema ne’ebé fó atensaun ba ita,mak ita nia aman ba nasaun ida ne’e Prezidente da Repúblika,”nia agradese.
Dalaruma ita boot sira haree ,buat simples neebe iha ita boot sira nia oin buat ne’e dala ruma valor la iha.
“Maibé nai Prezidente nia domin ohin nia reprezentante too mai iha ita ne’e lori esperansa boot,lori esperansa domin nian,lori esperansa dame nian ba ita boot sira, nai Prezidente nia prezensa ohin lori esperansa perdaun nian kompaixaun,Nai prezidente nia prwzensa lori mós nai jesus kristu ksolok moris nian ba ita boot sira,Ohin nia lora domin neebe boot kuda iha ita ida-idak nian Fuan ita atu senti” hakotu nia.
Jornalista : Julia Lurdes do Rego
