DiliPost.com – Iha aniversáriu ba dala 12 organizasaun internasional Heavenly Culture, World Peace, Restoration of Light (HWPL), ida-ne’ebé harii iha Korea Sul, sei hala’o Komesaun Anual ba dala 12 husi Deklarasaun Pas Mundial iha fatin 94 iha nasaun 61 iha mundu tomak.
Tuir komunikadu ne’ebe Dili Post online asesu, Kuarta feira (21/05) husi organizasaun HWPL relata eventu sira-ne’e sei hala’o iha fatin 86 no online fatin 8, ho partisipasaun ne’ebé projeta ona husi númeru públiku hamutuk 1,600 resin no sidadaun 10,000 iha nivel global.
Iha deklarasaun Pas Mundial dahuluk iha loron 25 fulan-maiu tinan 2013, husi Prezidente Man Hee Lee iha portaun da Pas nia oin iha Parku Olimpiku iha Seul ho advokasia globál ba foin-sa’e na’in 30,000. Ida ne’e hanesan apelu ida atu hapara funu no estabelese pás liuhusi esforsu koletivu sidadaun globál sira-nian liuhusi esplika papél individuál sira-nian husi dalan moris hotu-hotu hodi hetan pás.
Eventu ida-ne’e mós hatudu mós la’o-ain ba dame iha eskala boot, ne’ebé sai ona movimentu anuál simboliku iha sidade sira iha mundu tomak.
Eventu komemorativu tinan ida-ne’e ninia objetivu atu reflete importánsia istórika husi deklarasaun ne’e no enkoraja partisipasaun sívika ne’ebé boot liu iha esforsu harii dame.
Nune’e mos programa sira-ne’e sei inklui aprezentasaun edukasaun dame, screening vídeo, no sesaun diálogu interfeitu ne’ebé tuir kontestu kulturál no sosiál nasaun ida-idak nian.
Iha aniversáriu ba dala sanulu liu bá, Prezidente Lee Mane deklara tiha dame hamutuk no halo viajen iha mundu tomak hodi advokasia ba dame.
“Ha’u husu atu hanorin dame iha uma no eskola, no atu ema hotu bele sai ema ne’ebé fó dame. Ita presiza iha unidade ho títulu pás no serbisu hamutuk hodi kria mundu ida-ne’ebé di’ak liu no husik nu’udar liman-rohan ba jerasaun sira iha futuru. Ne’e mak ita-nia misaun iha tempu ne’ebé ita moris mai,” tenik Lee .
Aliende ne’e HWPL nia Komemorasaun Anual ba dala 12 ba Deklarasaun Pas Mundial hein katak sei la’ós de’it hanoin-hetan de’it kona-ba realizasaun pasadu nian. Maibé mós hateten fali kompromisu ne’ebé fahe hamutuk ba asaun pratika sira ba futuru ida-ne’ebé dame.
HWPL sei kontinua habelar ninia esforsu hodi apoia direitu internasionál ba pás, promove edukasaun ba pás, no promove armonia interrelijioza liuhusi parseria globál sira. (**)
