DiliPost.com – Prosesu sira ne’ebe iha Ministeriu Publiku (MP) inklui Ro Haksolok kontinuasaun iha Investigasaun sei lao.
Tuir Prokurador Jeral da Republika (PJR), Nelson De Carvalho katak, reputasaun prosesual PJR labele fo komentariu. Maibe, se klaru prosesu sira ne’e iha ona MP, kontinuasaun ba iha investigasaun kontinua lao.
“Hau labele koalia tanba iha faze investigasaun nia laran, se klaru sei iha Ministeriu Publiku Kontinuasaun ba investigasaun sei lao,”dehan Prokurador ba Jornalista iha Aitarak Laran, bainhira partesipa iha Serimonia Icar Bandeira, Tersa-feira ne’e.
Nia hatutan, depende ba iha Prokurador titular tanba iha MP iha mos gavinete ida maka responsabilidade ba ida nee. Maibe, konaba ro Haksolok kestaun prosesu labele koalia.
Nia subliña tan, investigasaun lori tempu naruk, tanba iha invetigasaun ne’e iha kestaun barak maka sei koloka iha ne’eba.
Iha fatin hanesan, Komisariu KAK Rui Pereira dehan, sira nia parte sei hasoru malu ho PJR hodi koalia konaba prosesu ne’e, tanba to agora seidauk iha redelasaun ba iha KAK hodi halo investigasaun.
“Ita espera ho PJR foun ne’e ami bele hetan malu, tanba kazu sira ne’ebe iha Oecuse nian hanesan Ro Haksolok nee, redelegasaun seidauk mai KAK, “haktuir Komisariu KAK ne’e.
Nia mos relata kona ba prosesu antes nee iha KAK maka halo hela investigasaun, maibe momentu ne’eba Komisariu seidauk iha maka prosesu sira ne’e lori hikas ba iha MP.(Octa)
