ERMERA (DILI Post) – Turismu monta bandeira ne’ebe lokaliza iha Postu administrativu Atsabe hetan vizita direita husi Prezidente Republika (PR) José Ramos Horta.
Iha vizita ne’e PR hare besik liu tan natureza nia furak husi fatin Turismu Mota Bandeira ne’ebe pertense iha Baboe kraik, Postu Administrativu Atsabe, hodi promove mota turismu refere.
Ho pezensa Xefi Estado ne’e simu direita husi Povu Atsabe ne’ebe Antojiasmu tebes simu ho Tebe, bidu ho Dansa Kultura Tradisaun Timor nian,no deside Toba Kalan ida iha Mota Bandeira nia hun hamutuk ho Povu Atsabe ka akampamentu (Kemping).
Iha intervista PR José Ramos Horta hateten objetivu husi vizita parte ida halo promosaun ba sitio turistiku nasional hanesan mota bandeira ba Mundu ,nune’e bele atrai ema bele vizita Fatin ne’e.
“Mai iha sitio Turismo ne’e nudar parte ida hodi halo Promosaun Nasional ba fatin tuirsmo sira ne’e liu Liu, iha hau Nia Facebook no Instagram iha malae barak husi Austrália inglaterra no iha ne’ebe deit hakarak hare i sira kontente tebes sira hakarak mai Vizita Timor Leste” dehan PR Horta ba Jornalista iha fatin Turistiku Mota Bandeira Atsabe Segunda feira (24/7) ne’e.
Xefi Estadu ne’e Subliña Promosaun ba sitio Turistiku sira ne’e laos deit ba sidadaun estranjeiru sira. Maibe, ba mos sidadaun sira iha rai laran ne’ebe hakarak vizita situ turismu sira.
Tuir PR nia prespektiva katak Timor oan barak mak lahalo viajem turistiku ba fatin turismo iha rai laran. Se Timor oan ka joven sira mak hala’o viajem ba fatin turismu sira iha Munisípiu hotu ,nudar parte ida Kontribui mos ba ekonomia iha Area rural.
“Se sira mak halo viajem ba sitio turismu sira iha Munisípiu sira ,hau hanoin sira bele lori osan sira bele sirkula to’o iha Munisipiu no ajuda mos ekonomia iha Area rural,”tenik Horta.
PR mos hanoin ona, atu lori diplomata sira ne’ebe halao misaun iha Timor-Leste, atu lori vizita Sitio Turistiku sira iha Munisípiu hotu-hotu.
Tuir nia, sitio Turistiku Mota Bandeira ne’e importante tebes ba Timor-Leste atu dezenvolve ho diak nune’e bele atrai estranjeiru sira mai vizita Timor-Leste. Maske, infrastrutura bazika hanesan estrada kontinua sai problema nasionál.
“Problema bo’ot ne’ebe ita hasoru mak Infraestrutura hanesan Estrada. Maibe, iha turista estranjeiru sira balun gosta fali mak ida estrada aat ne’e. Tanba, buat ida dehan ‘My Trip mai Adventure’ ne’e, buat sira hotu mos malae sira balu gosta fali ,tanba iha sira nia Rai ne’e estrada mesak diak deit,” Horta kompara.
Xefe Estadu dehan tan turismo Mota Bandeira hanesan fatin ne’ebe furak no kapas numero um iha Munisipiu Ermera, inkliu Turismo sira iha Munisípiu Ainaro Baukau, Lospalos ne’ebe presiza tebes Governu atu investe ho diak iha futuru.
Jornalista: Javelino Da Silva
