JAKARTA (DiliPost.com) -Primeiru Ministru (PM( Kay Rala Xanan Gusmao halo vizita ofisial ba Prezidente Republika PR) Indonezia, Jokowidodo iha Jakarta,ne’ebe sai polimika tanba populasaun iha Oecuse Naktuka deskonfia PM hasoru malu ho PR Jokowidodo atu asina tratadu fronteira Trestre entre Timor –Leste no Indonezia.
Tanba hanoin liu baliza Timor nia ne’ebe maka iha Oecuse Ambeno Naktuka, tama liu ba iha baliza Indonezia nian ne’ebe ho medida 270 hektares ou 2,7 kilometrus.
Nune’e tratadu la realiza tanba sei sai polemika iha baliza Raeoa Oecuse Ambeno Naktuta nian,ho baliza rai iha Indoenzia nian.
Iha Vizita ofisial PM Xanana Gusmao nia ba PR Indonezia Jokowidodo iha Palasiu Prezidente (Istana Prezidente )Bogor hamutuk ho delegasaun,koalia liu ba asuntu Agrikultura,ekonomi nomos dezenvovimentu iha Nasaun rua ninian.Maibe, lahalo asina momerandu ba tratadu fronteira trestre entre Timor –Leste nomos Indonezia.
Mais, iha Vizita ofisial ne’e halao deit asina momerandu iha area Planiamentu Investimentu Estrategiku nomos area Transporte no komunikasaun nia deit entre nasaun rua nian.
PM Kay Rala Xanana Gusmao informa katak hakarak realiza duni asina tratadu Fronteira Trestre ne’e,maibe seidauk tempu no labele ansi.
“Ita ohin la realiza asina Tratadu fronteira trestre tanba,ita labele ansi lai ita mos presiza hare ba ema nasaun seluk mos,hanesan Indonezia nomos Malaysia rasik mos to’o agora seidauk realiza asina akordu entre fronteira sira nian. Tan ne’e, ita mos labele ansi,sei ita ansi maka buat hotu ita Nasaun rua aseitadu hotu,ne’ebe hau nia vizita ida ne’e hanesan vizita ofisial ida ba Prezidente Jokowidodo.Tanba, nia mandatu tinan 10 nia halo buat barak nomos apoiu ita sai membru Asean,”hateten PM Kay Rala Xanana Gusmao iha Hotel Indonezia Kempinsi,Sesta ohin.
Xefe Governu hatutan,vizita Ofisial ne’e mos atu afirma no kosolida relasoins,entre nasaun rua ninian,molok Prezidente Jokowidodo nia mandatu remata.
Iha vizita ofisial PM Kay Rala Xanana Gusmao,akompana mos husi Ministru Negosio Estrangeirus no Koperasaun,(MNEK)Bendito Freitaz, Ministru Palaniamentu Investimentu Estratejiku (MPIE),Miguel Marques Manetelu,Ministru Transporte no Telekomunikasaun,(MTK) Gastau de Sousa,Sekretariu Estadu Komunikasaun Sosial Expedito Diaz Ximenes. (AL)
