DiliPost.com – Rejultadu eleisaun Xefi suku Jose Labi Caet aleitu tanba manan maioria absoluta iha Bobometo.
Ho konfiansa ne’ebe komunidade Suku Bobometo ho Votu afavor 2.286 hodi eleitu no sei lidera suku ba tinan hitu (7) hahu husi tinan 2023 to’o 2030.
Iha eleisaun suku Bobometo total votante 4.524 kompostu husi aldeia sia (9) mai husi Aldeia Quiubiselo, Tumin, Nonquikan, Nianapu, Oe-baha, oe-noah, Hoeneno, usapikolen, Kabun no Aldeia Saben.
Tan ne’e kandidatura ho numeru sorteiu haat (4) mai programa preoridade hanesan, hafasil atendimentu Publika ba komunidade suku Bobometo, buka dalan oin-oin hodi fo formasaun ba Joven sira iha Suku Bobometo, hametin paz no estabilidade ba komunidade suku Bobometo no garantia partsipasaun ema hotu-hotu nian iha programa dezemvolvimentu Suku.
Enkuantu Xefi ne’e mos iha visaun rasik katak, dezemvolvimentu ho paz iha suku, Tane a’as valores Kultura no Relijiosu lori povu ba moris di’ak no paz.
Nune’e mos haforsa dezenvolvimentu liu husi Pontensialidade suku nian, servisu hamutuk ho Autoridade hotu-hotu hahu husi nivel aldeia to’o nivel Nasional, fo apoiu ba Vulneravel sira, asegura paz no estabilidade iha Suku.
Kandudatura Xefe Suku Bobometo hamutuk ema nain 5 hanesan Agustinho Timo numeru Sorteiu ida hetan votus 156 akomula 3, 51%, Antonio ulan Elo sorteiu rua hetan votus 202 akomula 4,55 %, Domingos Nono sorteiu tolu hetan votus 345 akomula 7,78 %, Jose labi Entretantu Caet sorteiu haat hetan votus 2.285 akomula 51,47%, Yosep Elo rekandidatura ho numeru sorteiu Lima hetan votus 1.452 akomula 32.71%.
Portantu prosesu kontajem iha sentru votasaun Eskola filial Baquitba Elkona, hahu iha tuku 7 liu minutu 30 oras Timor Leste.Aliende ne’e, iha prosssu kontajen ne’e organiza husi Ofisial STAE no CNE no Kontajen uluk husi Xefe Suku tuir ba fali delegada no delegadu hafoin ba fali Xefe Aldeia sira.
Entretantu Lema ba kandidatura numeru sorteiu haat ne’e ho nia lema “Hau Prontu hala’o Servisu lolos no di’ak tuir konfiansa ne’ebe povu iha suku ida ne’e fo fiar mai hau.”(Donny)
