COVALIMA (DiliPost.com)-Liu husi Servisu Munisipal Jestaun Merkadu no Turizmu suspende vendador sira iha Merkadu Suai, tanba vendador sira ne’ebe loke rasik odamatan fa’an hateke ba Estrada publiku.
Diretur Servisu Munisipal Jestaun Merkadu no Turizmu Vitorino do Carmo hateten, odamatan ne’ebe vendador sira loke hodi fa’an sasan hateke ba Merkadu ida ne’e, signifika viola Lei nu.11/2024, no Dekretu Lei nu.23/2009. Odamatan ne’ebe vendador sira loke ne’e, viola ona Dekretu Lei nu.11/2024, no Dekretu Lei nu. 23/2009. Iha Dekreitu Lei nu.24/2024 hateten, se mak la obedese ba Merkadu ida ne’e, ba Jestaun Merkadu nian,”ita bele taka no hasa’i ninia lisensa.
Iha Dekretu Lei nu.23/2009, kuandu se mak viola Dekretu Lei ida ne’e, ita bele hapara ninia negosiu no se’i fo multa/koima,”hateten Vitorino ba Jornalista iha servisu fatin, Kinta-feira (19/10).
Jestaun Akumula
Diretur Vitorino klarifika bainhira Merkadu ida hamri’ik ho ninia Jestaun rasik atu akumula ema hotu hodi hetan rendimentu, tanba ne’e, ekipa hala’o Jestaun Merkadu. Atu nune’e, ema hotu bele utliza atu bele hetan rendimentu, maibe la’os fo oportunidade ba ema Estranjeiru.
Vitorino klarifika, bainhira Merkadu ida hamri’ik ho ninia Jestaun rasik, tanba Merkadu atu akumula ema barak. Atu nune’e, bele hetan rendimentu hanesan. Tanba ne’e, ekipa hala’o Jestaun no la’os fo oportunidade ba ema Estranjeiru ou ema Xineza.
Hal’o Jestaun ba ema sira ne’ebe utiliza Merkadu propriodade Estadu atu sira bele hetan rendimentu hanesan.Tan, de’it sira loke odamatan ba iha Estrada sira nain rasik sobu halo odamatan ba iha Estrada, ema komprador sira la tama ba iha Merkadu laran.
Ho ida ne’e, Merkadu laran la iha movimentu tanba Merkadu nia orjinal odamatan ba Estrada la iha. “Ami la’os taka sira nia atividades iha Merkadu. Maibe, ami halo sira taka odamatan mai Estrada atu ema sira iha laran bele hetan rendimentu no sira la bele fo engravamentu ba Estrada ba ema nia movimentu Ba Mai (BM),”haktu’ir Vitorino.
Ekipa Jestaun
Tu’ir, porta-voz Ortencio Gomes relata, ekipa servisu Munisipal Jestaun Merkadu no Turizmu ne’ebe hapara ou suspende vendador sira hodi fa’an sasan iha Merkadu Suai,vendador sira sente la satizfas ne’e, entaun vendador sira hamutuk hodi hala’o Konferensia Perss (KP), iha Merkadu Suai–Debos, Postu Administrativu Suai Munsipiu Covalima.
Hanesan tuir mai; 1. Ami vendador Merkadu Suai-Covalima hotu hato’o ami nia preukupasaun ba Governu Lokal Administrasaun Munisipiu Covalima, Polisia Nasional Timor-Leste (PNTL), hanesan tu’ir mai. 2.Ami Vendador Merkadu Suai–Covalima la satizfas husi diresaun Komersiu tutela ba Administrasaun Munisipiu Covalima.
Tanba, suspende atividade ou hapara ami vendador nia atividade atu la bele fa’an sasan iha ami nia ‘Kios’ Merkadu Suai. 3.Husu ba nai Administrador Munsipiu atu bele ta’u matan no bele hare’e rasik ami nia kondisaun hanesan ami vendador Merkadu.
Tanba, agora ami la bele fa’an iha ami idak–idak nia ‘Kios’ iha Merkadu. 4. Husi ami vendador sira hotu halerik tebes. Tanba, ami la bele fa’an sasan iha ami nia ‘Kios.’
Tanba, Autoridade PNTL Munsipiu no Diresaun Komersiu tutela ba iha Adminsitrasaun Munisipiu Covalima taka ami vendador sira iha Merkadu,” deklara porta-voz.
Husu Seguransa
Ortencio fundamenta husu ba PNTL atu fo Seguransa ba Merkadu laos atu duni vendedor sira ne’ebe mak fila liman iha merkadu suai tanba vendedor sira buka osan hodi sustenta familia uma laran no fo oan ba eskola. 5. Husu ba PNTL Munisipiu Covalima la’os atu duni ami ne’ebe fa’an sasan iha Merkadu. Maibe, tu’ir loloos PNTL Munisipiu atu fo Seguransa la’os atu duni ami, atu la bele fa’an ami nia sasan.
6. Husi ami vendador sira, liu husi ami fa’an sasan sira ne’e, bele sustenta ami idak–idak nia oan hodi haruka ba Eskola. Maibe, agora ami la fa’an, ida ne’e, oinsa ami bele sustenta ami nia oan sira ba Eskola.
7.Husu ba PNTL no Adsministrador Munsipiu, uwainhira taka ami nia atividade hanesan vendador iha Merkadu, ami vendador hotu-hotu husu ba Administrador no PNTL bele mos taka hotu atividades hotu hanesan Kasino iha Uma Feto Munisipiu Covalima no ‘Bola Guling’ sira mak loke iha Covalima nia laran, tanba Eduka juven sira ba dalan problema Sosial no Krimi.
8.Uainhira ami vendador Timor-Oan la bele fa’an ami nia sasan iha Merkadu lasatizfas husi hahalok ne’ebe halo husi Diresaun Komersiu tutela ba iha Administrasaun.
9.Ami vendador iha Merkadu Suai, kada fulan selu taxa ba Estadu, maibe to’o ikus taka ami nia negoisiu,”konklui porta-voz ne’e.
Enkuantu, tu’ir vendadores sira katak, Autoridade iha Covalima atu fo oportunidade ba Xineza sira atu f’a’an sasan iha Estrada ninin hodi hamate povu ki’ik sira nia negoisiu iha Merkadu Suai-Covalima.(adj)
