DILI Post-Sekretáriu Estadu Formasaun Professional no Empregu (SEFOPE), Rogério Araujo Mendonça Esplika Ba Kandidatu Vaga Austrália hirak ne’ebe Hetan Valor Sufisiente, Poor no Very Poor, La Presiza Atu Fila ba Sira nia Munisípiu hodi Tuir Formasaun Lian Inglês, Maibe Bele Tuir Formasaun iha Kapital Dili, Iha Sentru Formasaun ne’ebe Akreditado ona husi SEFOPE no hetan ona Lisensa operasional husi Institutu Nasionál Dezenvolvimento De Mão Da Obras (INDMO).
“Atu hatete deit katak Laos Hotu hotu Atu fila ba sira nia Munisípiu ,se nia Mak Eskola hela iha Universitário sira iha Dili, sira bele tuir Deit Formasaun iha sentru Formasaun ne’ebe Akreditado ona husi SEFOPE iha Dili ne’e Diak Liu tan. “Dehan SEFOPE Rogerio Araujo Mendonça ba Jornalista sira Hafoin Asina Deklarasaun ho Trabalhdor Korea iha Timor Lodge Komoro Kuarta ne’e (14/8).
Rogério Hatete Kandidatu sira ne’ebe iha Dili mak hela deit Iha Familia ka Hela iha uma Kost ,Diak liu ita fasilita fila fali sira ba Munisípiu hodi bele Tuir Formasaun depois mak sira mai Update Fila fali iha Sistema ,Ba sira ne’ebe mak hetan Valor Sufisiente, Poor no Very Poor hodi lori fila fali sira nia sertifikadu ba update iha sistema ,tuir Duni valor ne’ebe diak los ne’e ita bele update ba sistema Work Ready Pool,(Prontu Atu Servisu),nune’e empregador sira bele no hodi hili fila fali kandidatu sira.
“Ba kandidatu sira ne’ebe hetan valor Diak liu ,mos sei Aprejenta sira nia sertifikadu husi Sentru Formasaun hirak ne’ebe hetan ona Akreditado husi Secretario Estadu Formasaun Professional no Empregu,Tanba ami mos sei hare sira nia sertifikadu sira tama duni iha sentru Formasaun Akreditado no Komunitariu ga lae ,laos sira hetan diak ona ,hanoin atu ba Deit Austrália, sira mós tenki Aprejenta.”SEFOPE Esklaresa.
Governante hatete, Importante mak Kandidatu sira tenki tuir Formasaun iha sentru Formasaun Akreditado sira ne’ebe INDIMO fo lisensa operasional ba Sira, Hodi ita hare sira tuir Duni Formasaun ga lae.
Sentru Formasaun Akreditado husi INDMO
Tuir Dadus ne’ebe Dilipost.com assesu Sentru Formasaun ne’ebe INDIMO, I.P_ rasik rejista Nudar sentru formasaun profisional atu akredita kursu iha sentru formasaun profisional hodi fasilita dezenvolvimentu no revizaun ba padraun kompeténsia atu aprova no rejistu iha estrutura kualifikasaun nasional Timor-Leste hodi sertifika forneseddér formasaun profisional no fasilita dezenvolvimentu ba rekursu aprendizajen.
Lista fornesedor formasaun profisional ne’ebé hetan akreditasaun programatiku hamutuk neen mak hanesan Sentru Kapasitasaun Jestaun Finansa Publika, Sentru Nasional Formasaun Profisional SENAI Becora, Fundasaun CICANADA-STVJ, Sentru Formasaun_ Integral Joven Kriansa Manatuto, (CFIJC, — sigla portugés), Vizaun Foin-Sa’e —Dili, Canossian Vocational Training Centre (CVTC) – Suai Covalima.
Lisensiamentu operasional hamutuk 11 mak hanesan AHISAUN, Sentru Juventude Munisipiu Aileu, CANXIGO, Asosiasaun Nasional Juventude Kristasaun Timor-Leste, Fundasaun Hadomi Timor, Ermera Ai-Kulat Mutin Organika, Fundasaun Asaun Juventude Rural, Fundasaun Many Hands One Nationa, Sentru Formasaun Haburas Lian Korea Timor-Leste, Fundasaun Aquito Tanque de Guerra no Foinsa’e mak inspirador ba arte no transformasaun.
Rezultadu Teste Vaga Austrália
Enkuanto Total valor kandidatu Excelente hamutuk ema na’in 52, total valor Very Good hamutuk ema na’in 840, total valor Good hamutuk ema na’in 6921, total valor Sufisiente 8517, total valor Poor 18931, total valor Very Poor 6820, total Absent 8687.
Jornalista:Javelino Da Silva
