DILI Post —Prezidente Autoridade Rejiaun Administrativa Espesiál Oecusse-Ambeno (RAEOA), Rogério Tiago Lobato entrega relatóriu irregularidade iha prosesu sosa Ró Haksolok no aviaun Zona Espesiál Ekonomia Sosiál Merkadu (ZEESM) bá Primeiru-Ministru (PM), Kay Rala Xanana Gusmão foin lalais ne’e.
Rogério Lobato Afirma Relatoriu ne’ebe Nia Parte Entrega ba Xefi Governo Kompleto Kedas Ho Evidensia sira ne’ebe forte hodi ajuda Loke Auditoria ba Prosesu hirak ne’e.
“Ha’u mai hasoru-malu ho Primeiru-Ministru hodi ko’alia kona-bá situasaun iha Oecuse. Ha’u entrega mós relatóriu irregularidade kona-bá ró Haksolok no aviaun ZEESM. Relatóriu ne’e inklui kedan ona ho evidénsia ne’ebé hetan. Ida-ne’e bele ajuda auditoria internasionál ne’ebé sei halo,” Afirma PA-RAEOA Rogerio Lobato Hafoin Hasoru malu PM Xanana iha Palásiu Governu sesta semana kotuk.(19/07).
Kona ba Prosesu Auditoria ne’e Atu Lao Oinsa,Prezidente Autoridade Rejiaun Administrativu Espesial Oekusi Ambeno ne’e Sublina Depende ba Desizaun husi Primeiro Ministro Kayrala Xanana Gusmão nian.
“Konabá prosesu tuir-mai,depende bá desizaun Primeiru-Ministru nian bazeia bá rekomendasaun hosi ekipa auditoria internasionál.” Nia Hakotu.
Antes ne’e liu hosi auditoria Tribunál Kontas deskobre katak, hosi tinan 2014 to’o 2018 Timor-Leste gasta millaun $24,5 bá konstrusaun ró Haksolok, maibé paradu tinan barak nia laran tanba falla iha desizaun ne’ebé foti iha fulan Agostu 2014 hodi ajudika direta bá empreza Atlantic Eagle ne’ebé bankarota ona no konsidera laiha transparánsia.
Líder másimu RAEOA ne’e mós preparadu atu bá hatán bainhira hetan notifikasaun hosi Ministériu Públiku (MP) ligadu ho polémika uma Estadu iha área Fulolo, aldeia Sanane, Suku Costa, Sub Rejiaun Pante Macasar.
Jornalista:Javelino Da Silva
