DILI Post-Prezidente Autoridade Rejiaun Administrativu Espesial Oekusi Ambeno (RAEOA) , Rogerio Tiago Lobato Deklara Nia Prontu Atu Hasoru Malu Ho Eis Prezidente Autoridade RAEOA Mari Bim Amude Alkatiri iha Tribunal, Ligado Kazu Rezidensia Fuilolo Oekussi ne’ebe Antes Actual Prezidente Autoridade RAEOA ho Funsionario ba halo Busca.
Tuir Prezidente Autoridade Rejiaun Administrativu Espesial Oekusi Ambeno Rogerio Tiago Lobato, Hatete Asaun ne’ebe nia halo Kona ba Rezidensia Fuilolo, ne’e tanba ho Intensaun Atu Salva Osan Povu nian,ne’ebe Eis Prezidente Autoridade RAEOA Mari Alkatiri Utiliza hodi Konstrui Rezidensia ne’e.
“Ba hau laiha Problema atu ba Responde,Tanba hau Defende Buat ida ne’ebe Los Hanesan Hau Dehan Bebeik ona Rezidensia Fuilolo ne’e laos Mari Alkatiri nian,maibe ne’e Estado nian tanba lori osan estado nian mak halo uma ne’e, depois nia halo Promesa Kompra e Venda la liu husi Eskritura Publika no notariado mos laiha Eskritóriu Kompra e Venda.”PA-RAEOA Rogerio Lobato Deklara ne’e Posisaun ne’e Hafoin Hasoru-malu ho Primeiru-Ministru Kay Rala Xanana Gusmão iha Palasio Governo Sesta Semena kotuk (19/7).
Prezidente Autoridade RAEOA Rogerio Tiago Lobato Afirma nia Parte La Hakfodak Ho Keixa ne’ebe Antes ne’e Eis Prezidente Autoridade RAEOA Mari Alkatiri Hato’o ona ba Parte Justisa nian, nune’e Rogerio Tiago Lobato Deklara Prontu Atu Hasoru nia iha Tribunal.
“Maibe Nia Lori Ona Ba Tribunal Hau mos Prontu atu ba Hasoru nia ,hodi Defende Estado Timor-Leste nia Direito ka Nia osan.”Deklara Rogerio Tiago Lobato.
Rogério Lobato Mos Afirma Dadaun ne’e, Servisu Autoridade Rejiaun Administrativu Espesial Oekusi Ambeno, Prepara ona Orsamentu hodi halo Impoin ba Komunidade sira Rai ne’ebe Administrasaun Anterior Ne’ebe Liderado husi Eis Prezidente Autoridade RAEOA Mari Alkatiri no Arsenio Paixão Bano uza Forsa Politika hodi Utiliza Komunidade nia Rai Konstrui Rezidensia Fuilolo.
“Ami mos la Kleur tan Selu ona iha Oekusi kona ba Kompensaun ba Rai ne’ebe Administrasaun Anterior Okupa ne’ebe Uza deit Poder no Forsa hodi tama iha rai Sira ne’eba ,Ami mos halo Ona Deliberasaun ho Sekretariu Rejionais sira hotu kona ba Osan Ho Montante $3 Dolar ne’ebe Antes Impoin ba Rai Nain sira no sei hasae ba $5 Dolar.” Rogerio Acresenta.
Tanba Autoridade Rejiaun Administrativu Espesial Oekusi Ambeno iha ona Osan. Ne’ebe Fulan oin hodi ba selu Rai Nain sira nia Rai ne’ebe Antes Administrasaun Anterior Utiliza hodi Konstrui Rezidensia Fuilolo, ne’ebe uza deit Forsa Politika hodi Hasoru Povu sira.
Eis PA-RAEOA Mari Alkatiri Keixa RG ba MP
Iha Loron 23 Fulan Maio Liu ba Eis Prezidente Autoridade Rejiaun Administrativu Espesial Oekusi Ambeno Mari Bim Amude Alkatiri Submete Keixa Formal ba Ministériu Publiku (MP), Kona Busca Iha Rezidensia Fuilolo Oekussi, ne’ebe Prezidente Actual Autoridade RAEOA Rogerio Lobato ho Ekipa Tun Direita hodi Observa Rezidensia ne’e.
“Hau Mai Iha ne’e atu Hato’o Keixa Krimi ba Ministériu Publiku, tanba hau nia uma iha oekusi Prezidente Autoridade RAEOA ho nia ema ba sobu tiha husi Portaun no Kuartu sira ,ida ne’e Violasaun ba Propriedade Privada hau nian ne’ebe uza ba tinan barak ona ,tanba ne’e Keixa Krimi.”Afirma Eis PA-RAEOA Mari Alkatiri Bainhira Hato’o Keixa hasoru Rogerio Lobato ba MP iha Loron 23 Maiu Liu ba.
Alkatiri Deklara Rai ne’ebe Harii uma Iha Fuilolo ne’e Estado nian maibe Uma ne’ebe nia Halo ne’e Uma Privado,no Uma ne’e Rasik Nia Sosa Bazeia ba Lei.
Eis PA-RAEOA ne’e Sublina Keixa ne’ebe nia Parte Hato’o ba Parte Ministériu Publiku ne’e tanba iha Konfiansa ba Autoridade Judisiáriu sira hodi bele hare tanba Parte Judisiáriu hanesan Autoridade independente ne’ebe sai hanesan Matan tilun ba Povu Tomak nian.
PA-RAEOA Rogerio Lobato Hala’o Busca ba Rezidensia Fulolo
Iha Loron 22 Fulan Maio 2024 Liu ba Actual Prezidente Autoridade Rejiaun Administrativu Espesial Oekusi Ambeno (PA-RAEOA), Rogerio Tiago Lobato ho Nia Funsionario sira Hala’o Busca ba Rezidensia Fuilolo, ne’ebe Deskonfia Akordu Kompra no Entre Eis Prezidente Autoridade RAEOA Nain rua ,Arsenio Paixão Bano no Mari Bim Amude Alkatiri tanba Konsidera hanesan Abuzu Poder.
Iha Busca ne’ebe hala’o iha Fulan Hirak ba Kotuk ne’e, Prezidente Autoridade RAEOA Rogerio Tiago Lobato Hatete ,Nia Sei Anula Tiha Dokumentus Akordu Kompra no Venda ne’ebe Pratika husi Eis Prezidente Autoridade RAEOA Sesante Nainrua Hanesan Arsenio Paixão Bano no Mari Bim Amude Alkatiri tanba Konsidera Kontrusaun ba Rezidensia Fulolo ne’e Gasta Osan Estado Nian.
Enkuantu Rezidensia Fuilolo ne’ebe Faan Husi Eis Prezidente Autoridade RAEOA Sesante Arsenio Paixão Bano ba Mari Alkatiri ne’e, Inkliu Rai Komunidade nian ,ho Total Orsamento $556.669.04 Dolar Amerikanu.
Nune’e mós Komunidade sira ne’ebe sira Rai Afetado ba Konstrusaun Hari Rezidensia Fuilolo ne’e rasik Hamutuk Uma Kain 76 ne’ebe to’o Agora seidauk hetan Indimizasaun.
Jornalista:Javelino Da Silva
