DiliPost.com – Prezidente Rejiaun Adminitrativo Espesial Oekusi Ambeno(RAEOA) Rogeiro Tiago Lobato hasoru malu ho Primeiru Ministru (PM) Kay Rala Xanana Gusmão, deskute dezenvolvimentu Oekusi nian nomos ko’alia oinsa atu hili Prezidente Kamara Munisipal liu husi Prosesu dezentralizasaun.
Prezidente RAEOA Zona Espesiak de Ekonomia Sosial de Merkado(ZEESM), Rogeiro Tiago Lobato, afirma, sira Sempre mai hasoru PM tanba RAEOA tutela hela ba PM, tanba atividades sira ne’ebe halo iha Oekusi tenke mai informa PM, troka inprensoes ho PM ko’alia oinsa mak bele halo Oekusi bele la’o ba oin ho Dezenvolvimento ne’ebe di’ak, ne’ebe bele aranja ema hotu-hotu nian interese.
“ Ami rua PM avalia prosesu Dezentralizasaun la’os iha Oekusi de’it, PM halo esforsu dezentralizasaun iha Timor laran tomak, normalmente Oekusi mos dezentralizasaun sei to’o iha ne’eba,” tenik Prezidente RAEOA-ZEEMS ba jornalista sira iha Palasiu Governu Tersa feira,(03/06).
Aliende ne’e, nia dehan tenke prepara iha tempu ida naruk, bainhira to’o iha tempu ne’ebe halo dezentralizasaun bele halo dezentralizasaun ho prosesu ida ne’e Demokratiko ho eleisoes ho partido sira konkore se’e mak menan sira mak sei ka’er ukun.
Prezidente RAEOA-ZEEMS hatutan Ko’alia ona poder lokal sira ne’ebe la menan sira la halo parte mos iha assembleia Munisipal, iha fatin hotu-hotu ema ne’ebe nia la menan nia la bele sai prezidente Kamara maibe nia bele sai mediador atu nia hele hamutuk ho Prezidente kamara atu bele fo hanoin saida mak atu halo governo lokal sai di’ak.
“ Ami troka inprensoes maibe la’os halo kedan agora, tenke prepara bainhira iha kondisoes ona, PM sempre ko’alia iha Oekusi bainhira iha ona kondisoes halo dezentralizasaun liu husi prosesu demokratiku no eleisoes,” tenik Rogeiro.
Nia mos Subliña PM foin lalais ba Oekusi iha fulan liu ba, ko’alia konaba ideia dezentralizasaun, hahú agora komesa halo servisu organiza suku aldeia posto administrativo sira tenki prepara rekursus umanus.
“ Ita atu halo governo lokal, ita tenke iha rekursus umana ne’ebe iha kapasidade nia tenke kaer iha finansa administrasaun saúde agrikultura bu’at sira ne’e hotu ita tenke prepara, ida ne’e prosesu lori tempu, realidade Oekusi nian la hanesan ho Munisipio Manatutu nian, realidade Manatutu nian la hanesan ho realidade Viqueque nian, ita tenke haree saida mak ita organiza, dezentralizasaun la’os Oekusi de’it maibe iha Timor laran tomak, ita halo eleisaun iha munisipiu sira no to’o eleisaun jerais iha Oekusi Munisipio sira ne’e sei halo esforsu atu hili Deputado sira mai parlamento nasional,” subliña Tiago Lobato.
Nia mos haktuir PM mos dehan dezentralizasaun prosesu ida Demokrátiko liu husi eleisaun, Se’e de’it mak ukun iha Oekusi, Oekusi oan sira mak foti maibe tenki liu husi prosesu Demokrátiko.
” PM hili ha’u atu sai Prezidente Autoridade, mais to’o loron ida ema ruma sei indijita ona husi governo sentral, maibe liu husi prosesu Demokrátiko dezentralizasaun ba partido politiko sira konkore iha eleisoes se’e mak menan nia mak ukun, sira lakon mos bele partisipa hanesan Asembleia Munisípal, tanba ita ko’alia ona ba governo lokal no parlamento lokal,” hakotu Rogeiro.(Aza)
