DiliPost.com-Prezidente Autoridade Rejiaun Admnistrativa Espesiál Oécusse Ambeno, (RAEOA), Zona Espesiál Ekonomia Sosiál Merkadu Timor-Leste (ZEESM-TL), Arsenio Paixão Bano foin lalais ne’e, inagura tan ponte Noetoko, Suku Ban-Afi, hodi fasilita komunidade sira husi Sub-Rejiaun Nitibe no Pasabe.
Prezidente Autoridade RAEOA-ZEESM-TL Arseinio iha diskursu haktuir, ponte Noetoko pertenxe iha Suku Ban-Afi, importante atu fasilita komunidade Sub-Rejiaun 2 inklui Suku 18, iha Oécusse Ambeno.
Primeiru liga suku 2, Usitasa’e ho Ban-Afi, maibé ponte Noetoko, liga direita sub-rejionál 2, Nítibe ho Oé-silo. maibé benefisiáriu ne’e, to’o suku 18 iha Sub-Rejiaun 4, tanba Pássabe Malelat bele liu ponte Noetoko no Neofmetan Ino II, no husi Pássabe atu ba Pante Makasar bele liu Ponte Noetoko, husi ne’e,”ita hatene Sub-Rejionál 4 bele asesu hotu.
Medida Ponte Noetoko ho naruk 84m, kompleta ho moru protesaun 180m, no ponte ki’ik 2, iha Neof-Metan 7m no da-ruak 18m. Nia hatutan, Ponte Noetoko bele fasilita komunidade sira iha Sub-Rejiaun 4 hanesan Pasabe, Oé-Silo, Nitibe inklui Pante Makasar.
Komunidade husi Pasabe atu ba Malelat bele liu husi ponte Neof-Meta a/b komunidade Pasabe Nitibe bele hakat ba Pante Makasar liu husi Ponte Noetoko no Bi-Topa.
Enkuantu, projetu Ponte Noetoko konstrui bazeia ba ponte antigu Bi-Hala ho Oé-Baha, kualidade di’ak liu ponte antigun 2 ne’ebe refere. Tanba, Corgate ‘Gorong- Goron,’ diagrama espasu bo’ot no todan 120 ton nune’e, ponte foun 2 ne’e, kualidade liu ho nia altura 3m.
Sorin seluk, José Marques nu’udar komunidade iha Suku Ban-Afi, nia parte sente kontente no agradese ba Autoridade RAEOA, tanbá hafasil ona komunidade movimentu iha tempu udan.
“Ami kontente no ami husu agradese ba Autoridade RAEOA, ohin loron inagura ona ami nia ponte, ami fi’ar bainhira tempu udan ami la susar hodi haku’ur ona mota,”José esplika.
Entretantu, obrjetivu Autoridade konstrui ponte ne’e, atu falisita komunidade sira husi Sub-Rejionál 3 hanesan Sub-Rejionál Oé-Silo, Passabe no Sub-Rejional Nitibe. Atu iha tempu udan komunidade sira bele asesu ba Merkadu sira iha Oecusse-Vila hodi lori sira nia Produtu Lokál.
Enkuantu, Jestor Sub-Rejiaun Nitibe, Teodoru Sila, sente orgullu tebes, tanbá komunidade iha Suku Ban-Afi hahu tempu Portuques, to’o Indonesia tinan 24, komunidade obrigada an haku’ur Mota Noetoko lori sira ba Merkadu -Vila Pante Makasar.
Agradese ba Autoridade RAEOA, ohin loron mai inagura Ponte Noetoko, hodi fasilita komunidade Sub-Rejiaun Nitibe no Pasabe, movimentu iha tempu udan. Ponte Noetoko ezekuta husi Kompañia Lifau Indah Unipesoal Lda, ho valor orsamentu $ 625,451.45 ne’ebé Autoridade RAEOA aloka husi Orsamentu Jeral Estadu (OJE) 2022, ho durasaun servisu durante fulan 6.(do)
