DiliPost.Com– Primeiru-Ministru, Kay Rala Xanana Gusmão ohin Desloka ba Bali -Indonézia ho aviaun Aero Dili hodi partisipa Forum Estadu Arkeolójiku ka Archipelagic and Island States Forum (AIS Forum) ne’ebé sei partisipa hosi nasaun hamutuk 51.
Reuniaun ne’e sei realiza iha loron 10 to’o 11 outubru 2023, Indonézia konvida ona nasaun illa 51 no illa sira no mós organizasaun internasionál balun.
Iha tinan ida-ne’e Indonézia sai nu’udar uma-na’in ba Konferénsia a’as iha Forum Arkeipellu no Estadu Illa (KTT AIS). Nu’udar nasaun illa boot liu iha mundu, iha forum ida-ne’e Indonézia hein katak sei sai hanesan inisiativa ida hodi rezolve kestaun sira ne’ebé iha preokupasaun kona-ba tasi.
Forum AIS nian iha tinan 2023 lansa tema ‘Kolaborasaun Fostereira, Fasiliza Inovasaun ba Ita-nia Oseanu no Ita-nia Futuru.”
Ajenda sorumutuk ne’e nian sei foka liu ba aspetu importante tolu: ekonomia azúl, dezafiu sira kona-bá mudansa klimátika, no solidariedade entre nasaun illa no illa sira.
Forum AIS ne’e hanesan sumáriu badak ida husi Forum Arkeipellu no Estadu Illa ka Ilha Nasionál no Ilha Kiik. AIS nu’udar ponte kooperasaun entre nasaun illa sira no illa sira iha mundu ne’ebé ho objetivu atu hametin kolaborasaun hodi hasoru problema globál sira, liuliu dezenvolvimentu tasi-ibun.(Javel)
