Dílipost.com, Loron 22 Juñu 2026 – Ministru Asuntu Kombatentes Libertasaun Nasionál (MAKLN), Gil da Costa “Oan-Soro”, hatete reprezenta veteranus no povu timoroan tomak lakon lider násional ida, tanba nia nu’udar líder resistência ida ne’ebé durante tinan 24 hamutuk ho povu timoroan luta hasoru invazaun no nunka hakruk to’o Timor-Leste konkista independénsia.
Ministru Asunto Kombatentes Libertasaun Nasionál (MAKLN) Gil da Costa ” Oan-Soro ” hatete hanesan veteranus lakon nia lideransa ida, lideransa ne’ebé mak durante luta tinan rua nua resin ha’at (24), hamutuk ho nia povu nunka hakruk ba polítika invazor sira nian to’o Timor-Leste Independénsia.
” Haré bá restaurasaun independénsia tinan rua nulu resin Ha’at (24), koresponde ho luta libertasaun nasionál no luta libertasaun da Pátria tinan 24 nia husik ona ita, hanesan timor oán espesiál hanesan veteranus, maibé hanesan mós Ministru Asunto Kombatentes Libertasaun Nasionál (MAKLN) maun Lu matebian nia sofre moras bá halo tratamentu aban halo fulan ida, sai husi dili 23 Maiu orkalan ita rona notisia oin-seluk, ida ne’e mak destinu Maromak mak harene,” hateten MAKLN Gil da Costa iha Konferénsia imprensa Palásiu Governu.
Nia Husu ba família sir bá Espoza Cidália Lopes Nobre Mouzinho Guterres ne’ebé akompaña hela maun nia isin agora dadauk iha Malázia.
Nia dehan bá família no kolega hotu lalika hanoin barak tanba estadu iha devér morál hanesan Ministériu sei akompaña aban iha responsabilidade tomak akompaña maun Lu-Olo nia mate isin hodi mai to’o iha aeroportu lori mai nia rezidénsia.
“ohin molok ha’u mai iha ne’e liu kedan iha rezidénsia Faról, hare no orienta kedan bu’at balun, Sekretáriu Estadu Kombatentes Libertasaun Nasionál hamutuk hela iha rezidénsia Faról,” nia reafirma.
Nia simu orientasaun Primeiru-Ministru interinu konvoka reuniaun konsellu ministru extraordinário hodi bele dekreta bandeira mea aste luta nasionál ba loron hira hanesan Primeiru-Ministru interinu ko’alia.
Jornalista : Dílipost.com
