RAEOA (DILI Post)-Ministra Solidaridade Sosial no Inkluzaun (MSSI), Veronica das Dores, Apoiu Aihan Nesesidade Bazika Ba Familia Vulnéravel no Ema Ho Difisiensia iha Aldeia Oet-fo no Aldeia Kutete Suku Costa Postu Administrativu Pante-Makasar, Rejiaun Administrativa Espesial Oekusi Ambeno (RAEOA).
Ministra Veronica das Dores Hatete ho vizita ba komunidade sira iha aldeia Oet-fo no Cutete, hodi Hare Besik Liu tan Komunidade sira Nia Moris ,no Au Mesmo apoiu solidaridade no distribui hahan, ba Familia Vulnéravel sira.
“Tanba komunidade iha Oet-fo no Cutete, nudar Timor-oan hotu, nunee Governu hakarak fo kondisaun no solidaridade sosial, liuliu foos, no hahan sira seluk ba komunidade sira, iha aldeia rua, iha Oet-fo no Cutete.Ita niavizatasaun mai hasoru komunidade no populasaun iha aldeia Oet-fo no Cutete, suku Costa, ho objetivu ida atu haree sira nia kondisaun, no situasaun sira neebe povu infrenta iha baze, tanba tuir politika IX-Governu konstitusional, mai ho misaun ida, atu lori dezenvolvimentu hakbesik ba povu, too okos.” Dehan Minisra MSSI Molok Distribui Aihan ba Familia Vulnéravel sira iha aldeia Oet-fo Suku Costa ,Oekusi Sesta Semana kotuk .(26/7).
Tuir Ministra katak, Apoia ai-han ida-ne’e hanesan prezente boot ida ba komunidade husi aldeia rua ne’e, tanba desde uluk to’o agora, sira foin ba dahuluk hetan apoia husi governu, liuliu iha situasaun El-Niño ka bailoro-naruk iha Timor-Leste, ne’ebé afeta makaas ba konsumu uma-kain sira nian liuliu, ba feto faluk, oan kiak, ema ho defisiénsia no pasiente vulnerável.
Governante ne’e Subliña, Aproveita ho Aktividade Distribui Aihan Nesesidade Bazika Ba Komunidade sira, Parte ida mos hodi dezemina informasaun kona-ba subsidiu apoiu kondisionál Bolsa da Mãe ba labarik sira iha nivel eskolaridade.
Minsitra MSSI ne’e Esplika Labarik neebe iha ensinu primaria sei simu $8.00 kada fulan, ensinu pre-secundaria $9.00 kada fulan, ensinu secundaria simu $10.00 kada fulan no suplementu $5.00 ba labarik ho defisiénsia husi nivel eskolaridade tolu ne’e.
Nune’e mos Ba programa Asisténsia sosiál ba idozus, governu hasa’e ona sira-nia osan husi $60.00 ba sira-ne’ebé iha idade tinan 60-69, $80.00 ba sira-ne’ebé iha idadade tinan 70-79, no sira-ne’ebé iha idade tinan 80 ba leten sei simu $100 kada fulan.
Governante ne’e Subliña dezenvolvimentu ba programa hirak neebe tuir planu Governu nian,mak Atu hakbiit komunidade Vulnéravel no Ema Ho Difisiensia, tenki Hetan asisténsia sosial husi Estado Timor-Leste.
Veronica afirma liu tan, Governu mos iha programa ba protesaun liuliu fo bolsa kondisional ba estudante sira ne’ebe laiha Kbi’it, nune’e Governo mos sei Apoiu sira liu husi Orsamento hanesan, prosesu estudu hahu ensinu primaria sei hetan $8, Pre-sekundaria hetan $ 9 no sekundaria hetan $ 10 karik ema ho difisiensia hetan $ 5.
Ministra Solidaridade Sosial Ne’e Esplila Ho meius Neebe Governo ajuda ne’e atu Sidadaun sira Tulun nafatin ba sidadaun sira hodi bele Sustenta sira nia Nesesidade Eskola nian.
“Tanba nee Komunidade husi aldeia Oet-fo no Cutetete, suku Costa, Governu liuhusi MSSI sei nafatin fo kondisaun no situasaun ba komunidade vulneravel sira, hodi sustentabiliza ba nesesidade moris.”Ministra Veronica hateten.
Biban hanesan mos Lideransa Komunitaria, suku Costa, Fransisco Colo hamonu Matan-ween, ba Ministra Solidaridade Sosial no Inkluzaun bainhira simu distribuisaun hahan ba nia komunidade,ne’ebe Durante Menus aihan ba sira nia Moris loron loron.
Xefi Suku ne’e Husu, Governu tenki lori Dezenvolvimentu infraestrutura besik liu ba komunidade, hodi rezolve kondisaun no situasaun neebe, povu infrenta iha baze.
“Hau nudar lideransa komunitaria, iha suku kosta, agradese tebes, ba prezensa Governu, liuhusi MSSI, bele mai vizita hau nia komunidade, liuliu iha aldeia Oet-fo no Cutete, hodi fo ajudu sosial, hanesan distribuisaun fos ba komunidade, tanba kuaze tinan barak, povu moris ho situasaun vulneravel.” Xefe suku nee hateten.
Francisco Reforsa hanesan lideransa sente ho Matan-ween bainhira Governu liuhusi MSSI bele mai vizita ami, hodi haree no akonpania diak, ami nia situasaun no kondisaun neebe ami infrenta iha area remotas, nunee fiar sei loke dezenvolvimentu luan mai komunidade ho diak.
Nune’e Xefe Suku Costa, Francisco Colo hato’o agradesimentu ba Ministra ne’ebé bele vizita direita komunidade hodi apoia mós ai-han ba uma-kain vulnerável iha Suku Costa. Daudaun ne’e, komunidade iha suku ne’e moris ho vida agrikultura, maibé bailoro naruk afeta ona ba sira-nia produsaun, tanba ne’e sira mós moris iha iha situasaun vulnerável no menus ai-han.
Espresaun hanesan hato’o mós husi komunidade José Eliqueno no Francisco Elu iha Aldeia Cutete katak, sira kontente tanba foin primeiraves sira hetan vizita husi membru governu, lori mós ai-han hodi apoia sira atu konsumu ba loron ida rua.
Enkuantu Ministériu Solidariedade Sosiál apoia Fos no ai-han komplementar, ba uma-kain vulnerável iha Aldeia Oet-fo no Cutete, Suku Costa, Sub-rejiaun Pante-Macasar, hamutuk 300 uma-kain, kompostu husi Oet-fo 155 uma-kain, no Cutete 145 uma-kain.
Alende Ne’e Ministra Solidaridade Sosial no Inkluzaun ne’ebe akompaña husi Ministra Saude Elia Dos Reis ,Ministra Edukasaun Dulce De jesus, Vice Ministra Asuntu ASEAN Milena Soares no Vice Ministra Finansas Kontiniu Halao Aktividade Apoia Ai-han Bazika Ba Komunidade iha Aldeia Bi-Eli hamutuk uma Kain 22 no Suku Lamasi Postu Nitibe Hamutuk 20 Resin.
Jornalista:Javelino Da Silva
