BAUKAU (DÍLIPOST.COM)-Maske Kandidatu Xefi Suku Bucoli ,José Da silva Derota Iha Eleisaun Orgaun Suku iha Bucoli Munisípiu Baukau, Kandidatu ne’e Afirma katak Nudar Sidadaun Bucoli Oan ,Nafatin afirma Prontidaun katak Sei Apoiu Desenvolvimentu wainhira Hala’o iha Suku Laran.
“Hanesan Kandidatu Xefi Suku ba iha Eleisaun Orgaun Suku ida ne’e ,Hau bele Katak Povu ida ne’e bele Sente duni Demokrasia ,Hanesan Kandidatu Ne’ebé La passa ka La liu Bareira ,hau Agradese Tebes ba Apoiantes hamutuk 529 ne’ebe fo ona Votus mai hau iha Eleisaun Suku ida ne’e. ” José Da silva Expressa Sentimentu ne’e hato’o Remata Kontazem Do Votus iha Sentru Votasaun ne’ebe Lokaliza iha Eskola EBF Bucoli Sabadu ne’e (28/10).
José Haktuir Manan ga Lakon Desizaun hotu mai Husi Povu ,Tanba ne’e Nudar Sidadaun prontu Simu Rejultadu ne’ebé Povu eleze ona,Tanba Tuir Nia Katak ,Tanba Timor Leste nudar Estadu Direitu Demokratiku, Nune’e Sidadaun hotu hotu iha Direitu hodi hola iha Demokrasia.
José Da silva Afirma maske Derota nia iha Eleisaun Orgaun Suku ,maibe Nudar Sidadaun Bucoli ,Nafatin Atu Kopera ho Kandidatu Eleitu no Autoridade Lokal sira hodi kontribui ,ba Desenvolvimentu no Aktividade sira bainhira Hala’o iha Suku Laran.
“Nudar Sidadaun Bucoli Oan ,Hau prontu nafatin atu kopera ho Lideransa Eleita no Konselhu sira iha kaulker servisu no Aktividade iha Suku laran durante Periodu ida ne’e. “Afirma José.
José Da silva Antes ne’e Hala’o Funsaun nudar Pesoal Administrasaun Suku (PAS),iha Suku Bucoli Munisípiu Baukau, Durante Tinan Barak ona.
Nune’e iha Eleisaun Orgaun Suku ba PerioduTinan Ne’e Nudar Sidadaun, José Da silva Firme hodi Kompete mos ba iha Eleisaun Lideransa Lokal iha Periodu 2023-2030.
Enkuantu Kandidatu Xefi Suku Bucoli Terejinha de Jessus dos Reis Re-Eleita Hafoin Hetan Depozita Konfiansa husi Komunidade sira ho votu Afavor 933.
Reportajém: Javelino
