DiliPost.com-Diresaun Nasionál Transporte Terrestres (DNTT), husu pasajeiru sira hato’o keixa bainhira motorista halo manipulasaun viola despaixu Ministerial nú.013/2012, konaba selu tarefa serkulasaun Transporte Públiku (TP), husi Kapitál Dili ba Munisípiu iha teritoriu Timor-Leste.
“Ha’u husu ba pasajeiru hirak ne’ebé sa’i vitima, bainhira motorista sira halo manipulasaun viola tarefas ne’ebé iha favor ida la bele ta’uk hato’o keixa ba ami ho karreta ne’e, nia xapa matrikula, depois ami foti asaun hasoru kondutor ne’ebé la kumpre Regras,”informa Diretor Jerál DNTT, Maria Antónia Maria ba Jornalista iha Konferensia Inprensa, iha kna’ar fatin Edifisiu DNTT-Balide, Tersa-feira ne’e.
Define
Maria hateten, tabela konaba pasajeiru sira selu tarefa ba TP iha Lei define klaru ona, tan ne’e, motorista sira halo manipulasaun favor hato’o keixa ba iha DNTT ho Autoridade Seguransa PNTL ne’ebé besik atu aplika sansaun ba motorista sira.
Konaba tarefa hirak ne’e, parte DNTT halo ona sosializasaun ba kondutor sira husi Nasionál to’o iha Munisípiu, tan ne’e, iha despaixu Ministerial nú.013/2012, define klaru ona pasajeiru sira atu selu ba motorista tu’ir saida mak hakerek iha tabela ne’e.
Tarefa
“Ami halo ona sosializasaun ba motorista sira husi Nasionál to’o iha Munisípiu konaba tarefa kada Munisípiu, tan ne’e, pasajeiru sira kuandu sa’e TP ba Munisípiu iha manipulasaun ba tarefa husi motorista informa ba DNTT ho Polísia ne’ebé besik atu foti sansaun ba sira,”hakotu Maria.
Entretantu, tu’ir daduz tabela konaba Alterasuan ba despaixu Ministerial nú.013/2012, iha loron 13 Juñu konaba liña trajetu ba serkulasaun TP Rodaviariu Nasionál husi Kapitál Munisipiu Dili ba Munisípiu Manatuto $ 2.00, Dili ba Baucau $ 4.00, Dili ba Lautém $ 8.00, Dili ba Viqueque $ 8.00, Dili ba Aileu $ 2.00, Dili ba Same $ 9.00, Dili ba Ainaro $ 8.00, Dili Covalima $ 12.00, Dili ba Ermera $ 3.00, Dili ba Liquica $ 2.00 no Dili ba Bobonaro $ 6.00.
Jornalista:Ercia Freitas
