DILI Post- Iha Konversa ne’ebe Antes ne’e Ministro Negosiu Estranjeiro No Koperasaun (MNEC Sigla Português) Bendito Freitas Hala’o ho Embaixadora Republika Popular Xina ba Timor-Leste Wang Wenli iha Kafetaria Balun iha Sidade Dili, Ministro MNEC Ne’e Koko Soe Opinaun ida kona ba Husu Apoiu Kareta Ruma ba Timor-Leste.
Nune’e Liu husi Konversa iha Kafetaria ne’ebe Entre Governante Timor-Leste ho Diplomata Xinesa ne’e,Kafe Timor nia Gostu Konsege Hamonu Embaixadora Nia Laran,Ikus mai Sai Realidade ba Saida Mak Ministro Negosiu Estranjeiro No Koperasaun Bendito Freitas husu ba Povu Xína.
“Ida ne’e Hanesan Conversa ida entre Amigo no Koalia Tur Halimar hela iha Kafetaria ida,nemak hau Dehan ba Embaixadora Ajuda lai Bus Ida ka Rua ba Ami?, nune’e Sra.Wang Wenli husu fali Imi hakarak Hira ida ka Rua ka Tolu?,nemak Koalia halimar deit hau Dehan Rua deit,maibe Ikus realidade Bus rua Agora iha ne’e. “Haktuir Ministro MNEC Bendito Freitas hafoin Simu Kareta rua ne’ebe entrega Direita husi Embaixadora Xína iha Praia Dos Coqueirus Dili Segunda ne’e (16/9).
Bendito Freitas Dehan Kareta Autocaro ka Bus Rua ne’’ebe Oferese Ho Gratuita husi Povu Xína Liu husi nia Embaixada iha Timor-Leste ne’e, Sei Utiliza ba Eventu importante sira iha Timor-Leste.
Alemde ne’e Ministro MNEC Bendito Freitas mós Esplika Apoiu Ne’ebe oferese husi Povu Xína ne’e, Nudar Parte ida husi Governo Republika Popular Xina nia Apoiu ba Timor-Leste nia Adesaun ba ASEAN liu liu iha Area Logistik nian.
“MNEC simu apoiu husi Governo Republika Popular Xina ,ba Autocaro rua ka Mini Bus ne’ebe ho nia Klase Diak Tebes bele Uza ba Eventu importante sira no bele mos tula VVIP sira “Imforma Governante ne’e.
Ministro ne’e Subliña, Apoiu Ne’ebe Oferese husi Povu Xína ne’e, nudar Doasaun ida ne’ebe manisfeta Duni Governo Republika Popular Xína nia Koperasaun diak Ho Republika Demokratika Timor Leste.
“Ita hatene Timor Leste no Republika Popular Xina nia Relasaun Forte Tebes Tebes, Hahu husi Luta Naruk mai To’o ohin loron sira Nafatin apoiu ita iha fatin hotu hotu hotu.”Ministro Bendito Komenta.
Bendito Freitas Aprofunda Liu tan,Republika Popular Xina Apoiu ona Timor-Leste iha Setor oin oin ba Dezenvolvimentu Timor-Leste nian, hanesan Iha Setor Seguransa, Saude,Edukasaun, Seguransa no Defeza no Defende mos Timor-Leste nia Direito iha Konselho Seguransa internasionál.
Timor-Leste hanesan Nasaun ne’ebe Foin hetan Nia Independência, No sempre Hetan Apoiu husi parte hotu hotu ,nune’e Ho Apoio Ne’ebe Povu Xina Oferese ne’e Marka Parte Pozitivu ida oinsa atu Hametin Parseiru Koperasaun entre Países rua ba Futuru oin mai.
Nia Afirma Liu tan Apoio ne’ebe simu husi Povu Xína ne’e oinsa atu Tulun Timor Leste nia Preparasaun Atu Sai Membru ASEAN.
Iha fatin hanesan mos Embaixadora Republika Popular Xina ba Timor-Leste Wang Wenli Hatete,Sente Haksolok ho Apoiu Ne’ebe Sira Oferese ba Timor-Leste, hanesan Parte oinsa atu Hametin liu tan Lasu Koperasaun entre Rai rua ba oin.
Diplomata ne’e Afirma Governo Republika Popular Xina Nafatin iha Komitmento atu apoiu Timor-Leste, liu liu ba Fasilidade saida mak Timor Leste hakarak,inkliu Fasilita Kursu Diplomata no Asuntu saida deit mak Timor-Leste hakarak Husu tulun.
Jornalista:Javelino Da Silva
