DiiliPost.com-Direitur Ezekutivu Hali ba Dame (HABADA), Abel Amaral konfesa, buat ne’ebe akontese foin lalais iha Fronteir, HABADA nia parte primeiru husu Estadu-2 tantu Republik Indonésia-Timor-Leste (RI-TL), atu forma ekipa-1 halo investigasaun nune’e, hatene tanbasá akontese.
”Tanba, Fronteira ne’e, lá’os problema individu ou grupu-1 ninian, maybe Estadu, entaun husu ba parte-2 tantu RI-TL atu forma ekipa-1 hodi halo investigasaun hatene, tanbasá akontese,”hateten Abel ba Dili Post, liu via Telefone, Kuarta-feira ne’e.
Motivu
“Ami hanoin problema hirak ne’ebé disputa iha rai-2 ne’e, mezmu Nasaun-2, maibé presiza Estadu TL oinsá uza dalan Diplomásia ko’alia ho Embaixadór iha RI no ita nia Konsoladu iha Kupang envolve sira nune’e, hatene motivu ne’e, tanba saida,”tenik Abel.
Nia kestiona, konaba kanek HABADA hanoin-1 ne’e, atu hatene loloos tanba kauza saida akontese. Husu Estadu-TL, atu bele hare’e lalais assuntu ne’e, forma ekipa-1 hodi investiga didi’ak tanbasá akontese inklui RI.
Investiga
Diretur EzekutivuHABADA-Abel, husu la bele TL mesak investiga, maibé parte-2, RI nia parte hodi buka solusaun ho didi’ak. Husu la bele uza forsa hodi halo intervensaun, maibé uza dalan Diplomásia, tenke investiga hodi hatene didi’ak motivu tanba saida mosu konfrontasaun.
Prióridade urjentimente ba Estadu-2, liu-liu TL oinsá forma ekipa-1 hodi halo investigasaun. Parte-2 la bele ida de’it, se investigasaun ne’e, tenke parte-2 husi RI-TL nune’e, bele hatene ninia motivu.
Komunika
Bainhira,”ita la iha ekipa konjunta investigasaun entaun ida ne’e, bele fó kulpa ba malun. Husu TL ho urjentimente Estadu TL atu bele komunika ho RI. Atravez husi Diplomata tantu sira iha rai laran no iha RI buka solusaun no la bele hein to’o problema bo’ot tiha foin ba buka solusaun.
Ami hanoin husu ba Estadu TL-RI atu buka solusaun lalais tanba problema rai-2 rizku atu bele monu ba violénsia, se bainhira la rezolve ho kuidadu,”tenik nia.
Tan ne’e, nia husu ba Xefi Governu-Estadu atu lalais halo intervensaun la’ós ho forsa, intervensaun ho dalan Diplomásia. Forma ekipa komunika ho Autoridade RI atu bele halo investigasaun nune’e, rezolve tiha problema dalan úniku mak ida ne’e, de’it. Kona ameiasaun relasaun bilaterál entre TL-RI.
Konklusaun
Konaba ameiasa relasaun rai-2 ne’e,”ita seida’uk bele foti konkluzaun, maibé se bainhira TL-RI husik de’it kazu la halo intervensaun emdiata ou ho urjentimente halo intervensaun. Bele estraga relasaun entre TL-RI. Maibé, ida ne’e, ita seida’uk to’o iha ne’eba, bainhira bele mosu estraga relasaun bainhira Estadu-2 la foti medida halo intervensaun lalais,”remata Diretur HABADA-Abel.(Luxiana)
