DiliPost.com- Xefe Estadu Maior Jeneral FALINTIL-Forsa Defeza Timor-Leste (F-FDTL) Tenente Jenerál Domingos Raul “Falur Rate Laek” hatete, figura Saudozu Francisco Guterres “Lu-olo” durante sei moris nia halo di’ak liu mak kria amizade omiliasoes no buat barak, Saudozu sempre pasiensia, entre lideransa hotu iha Timor Saudozu nunka tenta atu buka hetan benefisiu pesoal ou riku iha saudozu nia vida.
Nia dehan, iha rai independente ida ne’ebé sai vertude nia legadu viakru, primeru pasiénsia no omiladu, segundu saudozu lakoi tenta atu riku enkuantu povu ida sei luta nia bem estadu.
Farul sente triste tebes hodi simu realidade ida ne’e, mais dejeza Saudozu Francisco nia klamar sai diak no saudozu nia legadu ne’ebe husik hela ba rai ida ne’e halo refrénsia nafatin ba saudozu.
“Farul relata, saudozu Francisco Guterres “Lu-olo nu’udar no desde vida joven eskola hamutuk, halo funu hamutuk nomos residensia hamutuk depois ukun aan harii nasaun hamutuk neebe sentimentu boot tebes maibé ida nee mak sirkulu maneir ema moris iha mundu nee nia, neebe jerasaun ida troka jerasaun ida.” dehan Xefe Estadu Maior FALINTIL- Forsa Defesa Timor Leste (F-FDTL), Domingos Raul.“Falur Rate Laek” ba jornalista sira iha saudozu Francisco nia residensia Farol, Tersa-feira (23/06/2026).
Farul haktuir , antes saudozu atu ba Malazia sei hasoru malu koalia diak hela maibé Saudozu fila mai ho Triste boot maibé ida nee realidade tenke simu.
“Momentu ami nain haat Eis Primeru Ministériu Taur Matan Ruak, Lere Anan Timour no Mari Alkateri hasoru malu ho Saudozu ida nee kleur ami hasoru tan ne’e hau halo ajenda hasoru ho Formal para ami fo esperitu, esperansa, no fo hanoin ba malu saida mak ami atu halo hamutuk tanba buat hotu uluk sofrementu koletivu no luta koletivu” tenik Jeneral Falur.
Aliende ne’e nia dehan, Saudozu nia moras ne’ebé nia rona husi médiku sira katak, saudozu moras fuan.
“Saudozu nia moras nee hau rona husi mediku sira katan nia moras Korasaun depois antes saudozu atu ba Malazia iha dia-23 maiu, hau mai iha nee fo komprimenta ba saudozu antes Saudozu atu ba Malazia mais ida nee Saudozu koalia diak hela maibé iha problema itoan iha saudozu nia Fuan ida nee mak atu hadia saudozu ba Malazia atu hadia Saudozu nia fuan” nia imforma.
Nia mos relata kona-ba Tratamentu saude hanoin Veteranus hetan asistente saudea barak ona desde Primeru Governu too Nonu Governu ida nee esforsu ida nee ita labele nega.
“Ita husu mak ita nia Dezenvolvimentu Saude nee lao didiak iha ita nia rai para ita moras tratamentu uha ita nia rai laran deit”, konklui Falur .(Octa)
