LAUTÉM (DILI Post)- Governu Liu husi Sekretariu Estadu Floresta (SEF), Fernandino Viera Da Costa Imforma Governu Sei tau Atensaun Prioridade ba Infraestrutura Hanesan Estrada no Kria Kondisaun ba Sitio Turistiku iha Parke Nasional Nino Konis Santana, iha Postu adminitarativu Tutuala Munisípiu Lautém, nune’e Bele Promove Sitio sira ba Mundu.
Secretario Estadu Floresta, Sitiu Turistiku iha Parke Nasional Nino Konis Santana, sai hanesan Planu Prioridade ida ba Governasaun Dasia ,hodi bele Tau atensaun ba Fasilidade sira,tanba Tuir Governante ne’e Afirma Wainhira Sitio Turistiku hirak ne’e mak Kompletu ho Fasilidade ,mak Sei Dada Turista sira hodi Vizita no Bele Rendimentu ekonomia ba Nasaun Komunidade sira.
“Objektivu Husi Vizita ida ne’e hodi hare Besik liu tan Objekto Turistiku sira ne’ebe mak iha fatin ne’e, atu oinsa Governu hare hodi hadia nune’e bele apoiu ba ekonomia Nasaun no Komunidade nian.” Imforma Sekretariu Estadu Floresta Fernandino Viera Da Costa ba Jornalista sira iha Valu Cere Tutuala Kinta ne’e.(8/8).
Governante Subliña, Governu mós sei tau Atensaun Prioridade ba Infraestrutura hanesan Estrada Ba Sitiu Turistiku sira ne’ebe idenfikadu iha Munisípiu Lautém, tanba ne’e nia parte servisu hamutuk ona ho linha Ministerial sira hodi belebhare ba Infraestrutura sira .
“Depois de Governu Deklara Sitio sira ne’e sai hanesan Parke Nasionál Nino Koni Santana, i depois de 14 anos ita la dezenvolve ho diak,tanba falta Infraestrutura no komdisaun ne’ebe ladun diak,tanba ne’e mak iha governasaun ida ne’e ita sei servisu hamuutuk ho linha Ministerial sira hodi bele rezolve Kondisaun ruma ,atu nune’e bele atrai Turista sira bele mai Vizita fatin hirak ne’e. “Reforsa Governante ne’e.
Fernandino Haktuir Objekto ne’ebe identifikadu iha Parke Nasional Nino Koni Santana, mesak Furak tan ne’e, Governu planeia hodi hadia Fasilidade sira Nune’e bele promove ba Mundu.
“Ita nia Fasilidade sira mak kondisaun ladiak tanba nemak governo planei hodi hadia nune’e ita promove ,wainhira Turista sira mai vizita karik ita nia kondisaun ne’e diak.tanba mak Ne’e mak Governu Sei tau Prioridade ba atensaun ba sitio Turistiku ne’ebe nakonu ho Objeto Turistiku sira .”Deklara Fernandino Viera.
Membro Governu ne’e Afirma ,iha Setor Floresta nian Dadaun ne’e Nia Parte Hahu Halo Ona Konstrusaun ba Edifisiu Parke Nasionál Nino Koni Santana ne’ebe lokaliza iha Sitio Turistiku Ira-Lalaru,no parte Seluk Setor Ne’ebe Prioridade ba Setor Floresta nian ,Governante ne’e Esplika sei tau Atensaun liu ba Konservasaun Fatin ba Balada sira ,hodi transforma fila ba rai Maran ,nune’e bele atrai Turista sira bele Vizita no Hare.
“Hanesan Tinan tinan ita rona iha Jaco Ita nia Bibi Rusa sira mate hela deit ,tanba ne’e mak ita hanoin hodi tau Atensaun ba konservasaun ba ita nia balada sira ne’e.” Fernandino Deklara.
Iha Sorin Seluk Xefi Suku Mehara Marcos Lopes ,Husu Governu Atu Tau Prioridade Ba Asuntu Konservasaun ba ba Sitiu Turistiku ne’ebe nakonu ho Objeto iha Parke Nasional Nino Konis Santana, liu liu kona ba Parte Kultural nian,floresta hdoi bele Prezerva no valoriza hodi nune’e bele atrai Turista sira bele mai hare nomos Hakarak Atu Investa ba nasaun.
Alemde ne’e Autoridade Lokal ne’e mos Husu ba Governu atu Hadia Kondisaun Estrada no Fasilidade sira ne’ebe Kria Kondisaun wainhira Vizitantes sira ba Vizita hirak nee.
“Preokupasaun ne’ebe mak iha liu kona ba Infraestrutura tanba ne’e mak Tenki tau atensaun atu bele kondisioná Vizitantes sira sira. ” Nia Relata.
Autoridade Lokal ne’e mos imforma Nian parte Nafatin Fo Hanoin Ba Komunidade ne’ebe hela iha Parke Nasional Nino Konis Santana Atu labele Estraga Ambiente sira iha Parke Nasional Nino Konis Santana, hanesan Tesi Ai Arbiru ,kasa Aninal Fuik ,tanba husi Objeto ne’ebe iha parte ida husi Governo oinsa atu hanoin atu investe no hadia ,nune’e bele Apoiu Ba Dezenvolvimentu Ekonomia Nasaun no Komunidade nian.
Iha Parte Seluk Mos Prezidente Autoridade Munisípiu Lautém Melio De Jesus, Kompromete nia Parte Esforsu Hela Atu iha Nia Mandatu sei hadia Infrastrutura Hanesan Estrada Ne’ebe Liga Ba sirio Turistiku sira iha Parke Nasionál Nino Koni Santana, nian.
“Hau Nia Prioridade liu liu iha Munisipiu Lautem mak sei tau Atensaun ba Infraestrutura Hanesan Estrada.” Nia Afirma.
Matenek Nain Husi Indonésia Observa Objeto Turistiku iha Parke Nasional Nino Konis Santana
Iha Vizita ba Sitio Turistiku sira iha Parke Nasionál Nino Koni Santana iha Munisípiu Lautém, Secretario Estadu Floresta Akompañadu mós husi UNESCO no Matenek nain husi Nasaun Indonésia ,hodi bele Hare Besik liu tan Objekto Prinsipal sira iha Parke Nasionál Nino Koni Santana Nundar parte Ida Hodi Apoiu Governu Timor-Leste, hodi Aselera Prosesu Rejistasaun ba Planu Asaun Prezervasaun Mundial ne’ebe Designado ona husi Unesco.
Ekipa sira ne’ebe Involve iha Vizita Sitio Turistiku iha Parke Nasional ne’e Kompostu husi Ministeriu Agrikultura Pecuaria Pesca no Floresta, Ministeriu Turizmo Ambiente, Ministeriu Ensino Superior, Ministeriu Edukasaun ,Nudar Parte Hodi Eleva Prosesu Ba Rejistasaun Timor-Leste nia Partisipasaun ba
” ita Involve Linas Ministerial lubuk ida oinsa para aban bainrua eleva Dezenvolvimento kona ba parke Nasionál Nino Koni Santana hodi Aselera nia Estatutu atu sai hanesan valor Estetika hodi bele Rejistu iha Organizasaun Mundiál UNESCO, tanba ne’e mak ekipa sira mai hodi Observa Objekto sira.”SEF Fernandino Viera Da Costa Acresenta.
Nia Reforsa tan Alende Vizíta hodi Hare Besik Liu tan Objekto sira iha Parke Nasionál Nino Koni Santana, Secretario Estadu Floresta mos Involve mos Peritus ka Matenek nain husi Indonezia no Japaun hodi Ajuda Timor-Leste atu Prepara Dokumentus importante balun hodi Prense Rekezitus organizasaun Mundiál UNESCO nian,nune’e Sitio Turistiku Parke Nasionál Nino Koni Santana sai hanesan Patrimomio Mundial.
Jornalista:Javelino Da Silva
